विधानपरिषदेवरील मुंबई पदवीधर मतदारसंघातून ठाकरे गटातर्फे विलास पोतनीस आमदार आहेत. आता त्यांच्या मतदारसंघातून विधान परिषदेचेच आमदार अनिल परब यांना संधी मिळण्याची शक्यता आहे. अनिल परब यांचा कार्यकाळही २७ जुलै २०२४ रोजी संपणार आहे. ठाकरे गटाचं विधानसभेतील संख्याबळ पाहता त्यांना पुन्हा निवडून जाणं आव्हानात्मक ठरु शकतं. त्यामुळे आता या मार्गाने त्यांना परिषदेवर पाठवलं जाण्याचे संकेत मिळत आहेत.
याशिवाय युवासेनेचे सचिव वरुण सरदेसाई यांचंही नाव मुंबई पदवीधर मतदारसंघासाठी चर्चेत आहे. कोकण पदवीधर मतदारसंघातून रायगडचे सह संपर्कप्रमुख आणि अनंत गीते यांचे निकटवर्तीय किशोर जैन यांच्या नावाचा विचार सुरु आहे. नाशिक शिक्षक मतदारसंघाचे विद्यमान आमदार किशोर दराडे यांच्याबाबत अद्याप निर्णय झालेला नाही.
मुंबई आणि कोकण विभाग पदवीधर मतदारसंघासह नाशिक व मुंबई शिक्षक मतदारसंघातील विद्यमान आमदारांची मुदत ७ जुलै २०२४ रोजी संपत आहे. त्या अनुषंगाने केंद्रीय निवडणूक आयोगाने संबंधित चार मतदारसंघांमध्ये निवडणूक कार्यक्रम जाहीर केला आहे.
कोणत्या आमदारांचा कार्यकाळ ७ जुलै रोजी संपणार?
विलास पोतनीस – मुंबई पदवीधर ( शिवसेना- ठाकरे गट)
निरंजन वसंत डावखरे – कोकण पदवीधर (भाजप)
किशोर दराडे – नाशिक शिक्षक (ठाकरे गट)
कपिल पाटील – मुंबई शिक्षक (लोकभारती)
निवडणूक कार्यक्रम
निवडणुकीची अधिसूचना प्रसिद्धी- १५ मे
नामनिर्देशनपत्र दाखल करण्याची अंतिम मुदत- २२ मे
नामनिर्देशनपत्रांची छाननी- २४ मे
नामनिर्देशनपत्र माघारीची मुदत- २७ मे
औरंगजेब फॅन्स क्लबचे मेंबर, राऊतांचा प्रश्न; उद्धव हसत म्हणाले… ‘सामना’च्या मुलाखतीचा टीझरRead Latest Maharashtra News Updates And Marathi News
मतदानाचा दिनांक- १० जून
मतदानाची वेळ- सकाळी आठ ते दुपारी चार
मतमोजणीचा दिनांक- १३ जून
एकूण निवडणूक प्रक्रिया पूर्ण होण्याचा दिनांक- १८ जून