पुणे: पोर्शे कार अपघात प्रकरणात दररोज नवी माहिती समोर येत आहे. अल्पवयीन आरोपीला वाचवण्यासाठी ससून रुग्णालयातील दोन डॉक्टरांनी त्याच्या रक्ताच्या नमुन्यात फेरफार केली. डॉक्टरांनी आरोपीच्या रक्ताचे नमुने फेकून दिले. त्याजागी त्याच्या आईचे रक्ताचे नमुने तपासणीस पाठवले. हा प्रकार समोर आल्यानंतर दोन डॉक्टरांना अटक झाली. यामुळे आता आरोपीची आई अडचणीत येण्याची शक्यता आहे. आरोपीचे वडील आणि आजोबा आधीपासूनच पोलीस कोठडीत आहेत.
रक्त चाचणीत घडवून आणलेल्या फेरफाराची चौकशी करण्यासाठी डॉ. पल्लवी सापळे यांच्या अध्यक्षतेखाली त्रिसदस्यीय समिती स्थापन करण्यात आली. या समितीनं आपला अहवाल सादर केला आहे. पोलीस दलातील सुत्रांनी दिलेल्या माहितीनुसार, आरोपीच्या रक्ताच्या नमुन्यांमध्ये फेरफार करण्यासाठी महिला आणि दोन ज्येष्ठांचे नमुने घेण्यात आले होते. आता या प्रकरणात पोलिसांना आरोपीची आई शिवानी अगरवालवर संशय आहे. शिवानीच्या रक्ताचे नमुने घेणं कटाचा एक भाग होता. हे सगळं योजनाबद्ध पद्धतीनं करण्यात आलं अशी शंका पोलिसांना आहे.
या प्रकरणाचा छडा लावण्यासाठी पोलीस काही संशयितांच्या रक्ताचे नमुने घेणार आहेत. पोलीस शिवानी अगरवालचा शोध घेत आहेत. शिवानी अगरवाल घरी नसल्याचं कळतं. त्यामुळे त्या नक्की गेल्या कुठे, हा प्रश्न आहे. अल्पवयीन आरोपीला जामीन मंजूर झाल्यानंतर एक व्हिडीओ व्हायरल झाला. त्यातील मुलानं आपणच आरोपी मुलगा असल्याचा दावा केला. त्यानंतर शिवानी अगरवाल समोर आल्या होत्या. त्यांनी एक व्हिडीओ प्रसिद्ध करत व्हायरल व्हिडीओमधील मुलगा आपला लेक नसल्याचं, तो व्हिडीओ फेक असल्याचं सांगितलं होतं. यावेळी त्या कॅमेऱ्यासमोर ढसाढसा रडल्या होत्या.
रक्त चाचणीत घडवून आणलेल्या फेरफाराची चौकशी करण्यासाठी डॉ. पल्लवी सापळे यांच्या अध्यक्षतेखाली त्रिसदस्यीय समिती स्थापन करण्यात आली. या समितीनं आपला अहवाल सादर केला आहे. पोलीस दलातील सुत्रांनी दिलेल्या माहितीनुसार, आरोपीच्या रक्ताच्या नमुन्यांमध्ये फेरफार करण्यासाठी महिला आणि दोन ज्येष्ठांचे नमुने घेण्यात आले होते. आता या प्रकरणात पोलिसांना आरोपीची आई शिवानी अगरवालवर संशय आहे. शिवानीच्या रक्ताचे नमुने घेणं कटाचा एक भाग होता. हे सगळं योजनाबद्ध पद्धतीनं करण्यात आलं अशी शंका पोलिसांना आहे.
या प्रकरणाचा छडा लावण्यासाठी पोलीस काही संशयितांच्या रक्ताचे नमुने घेणार आहेत. पोलीस शिवानी अगरवालचा शोध घेत आहेत. शिवानी अगरवाल घरी नसल्याचं कळतं. त्यामुळे त्या नक्की गेल्या कुठे, हा प्रश्न आहे. अल्पवयीन आरोपीला जामीन मंजूर झाल्यानंतर एक व्हिडीओ व्हायरल झाला. त्यातील मुलानं आपणच आरोपी मुलगा असल्याचा दावा केला. त्यानंतर शिवानी अगरवाल समोर आल्या होत्या. त्यांनी एक व्हिडीओ प्रसिद्ध करत व्हायरल व्हिडीओमधील मुलगा आपला लेक नसल्याचं, तो व्हिडीओ फेक असल्याचं सांगितलं होतं. यावेळी त्या कॅमेऱ्यासमोर ढसाढसा रडल्या होत्या.
आरोपी सध्या बालसुधारगृहात आहे. तर त्याचे वडील विशाल अगरवाल आणि आजोबा सुरेंद्र कुमार अगरवाल पोलीस कोठडीत आहेत. लेकाच्या सुटकेसाठी अगरवाल कुटुंबानं त्यांच्या चालकावर दबाव आणला होता. मुलावरचा गुन्हा स्वत:च्या अंगावर घे. आम्ही सांगतो तशीच साक्ष कोर्टात दे, असा दबाव त्याच्यावर टाकण्यात आला. या प्रकरणी आरोपीच्या वडिलांवर आणि आजोबांवर गुन्हा दाखल आहे. चालकाला धमकावण्यात शिवानी अगरवाल यांचाही सहभाग होता का, याचा तपास पोलिसांकडून सुरु आहे. त्यामुळे रक्ताच्या नमुन्यातील फेरफार आणि चालकाला धमकावल्याच्या प्रकरणात शिवानी गोत्यात येऊ शकतात.