अजित पवार, सुनील तटकरे यांचा एकनाथ शिंदे यांच्या मुख्यमंत्रिपदाला विरोध होता, हा संजय राऊत यांचा दावा पूर्णपणे खोटा आहे. मुख्यमंत्रिपदासाठी अजित पवार हे २००४ साली सक्षम नव्हते, हे केवळ सांगण्याचे कारण आहे. खरं तर पक्षाचे नेतृत्व सुप्रिया सुळे यांच्याकडे देण्याचे स्वप्न तेव्हापासूनच होते. त्यात अडथळा नसावा किंवा समांतर नेतृत्व तयार होऊ नये, यासाठी शरद पवारांनी त्यावेळी मुख्यमंत्रिपद घेणे टाळले आहे, असा दावाही उमेश पाटील यांनी केला.
भारतीय जनता पक्षासोबत जाऊन सत्ता स्थापन करण्याचे २०१९ मध्ये ठरले होते. राष्ट्रवादीचे सर्व आमदार आणि नेत्यांची याला संमती होती. शरद पवारांच्या सूचनेनुसार सर्व बोलणी सुरु होती. मात्र, त्यांनी ऐन वेळी भाजपसोबत जाण्याचा निर्णय बदलला, असा आरोप पाटील यांनी केला.
२०१९ मध्ये शिवसेनेचा मुख्यमंत्री करायचं ठरलं. एकनाथ शिंदेंचं नाव फायनल झालं होतं, पण रश्मी ठाकरेंच्या मनात आदित्य यांना सीएम करायचं होतं. मात्र शरद पवारांचा नकार होता. त्यानंतर अडीच-अडीच वर्ष मुख्यमंत्रिपद वाटून घ्यायचं ठरलं. सुप्रिया सुळेंचं नाव मुख्यमंत्रिपदासाठी पुढे होतं, असंही उमेश पाटील म्हणाले.
Milind Deora : काँग्रेस का सोडली? चार महिन्यांनी देवरांनी गुपित फोडलं, कारण सांगताना ‘हर्षवर्धन’ पॅटर्नRead Latest Maharashtra News Updates And Marathi News
शिवसेनेसोबत जाऊन अडीच वर्षे सुप्रिया सुळे यांना मुख्यमंत्री करण्याचे उद्धव ठाकरे यांच्यासोबत ठरले होते. पण अजित पवारांना उपमुख्यमंत्री करण्याची मागणी सर्व आमदारांनी बहुमताने केली. त्यामुळे पहाटेचा शपथविधी मोडून अजित पवार पुन्हा महाविकास आघाडीसोबत आले. आमदारांच्या आग्रहाखातर त्यांना उपमुख्यमंत्रिपद द्यावे लागले होते, असेही उमेश पाटील म्हणाले.