सांगलीकरांना मात्र पूल पाडल्यामुळे मोठा फटका बसलाय, वाहनधारक असतील किंवा परिसरात राहणारे नागरिक असतील पुलाच्या रखडलेल्या कामांमुळे त्यांची मोठी गैरसोय होत आहे. पुलाचे काम जलद करावे, अशी मागणी स्थानिकांकडून अनेक वेळा करण्यात आली आहे, सातत्याने त्याचा पाठपुरावा सुद्धा स्थानिक करत होते. परंतु रेल्वे कडून काम संथ गतीने सुरु असल्याने सांगलीकर संतप्त झालेत. वर्षभरापासून काम सुरु आहे पण आता पावसाळा आला तरी काम उरकले नाही यामुळे ऐन पावसळ्यात स्थानिकांना मोठ्या समस्यांना सामोरे जावे लागेल. यासाठीच सांगलीकरांनी थेट वेगळ्या पद्धतीने आंदोलन केलंय.
अखेर रेल्वे प्रशासनाला जागे करण्यासाठी नागरिकांनी आंदोलन करण्याचे ठरवले. पण सांगलीत सध्या आंदोलनांची चर्चा जास्त रंगले याला कारण सुद्धा असेच आहे. रेल्वेप्रशासनाचे काम सुरु असलेल्या पुलाचे श्राद्ध घालून नागरिकांनी अनोखे आंदोलन केले. यावेळी फक्त आंदोलनापुरते पुलाचे श्राद्ध न घालता, नियोजकांनी चक्क श्राद्धाचा नैवेद्य देखील ठेवला यासह आंदोलनात सहभागी झालेल्या सगळ्यांना श्राद्धाचे जेवण देखील ठेवण्यात आले. असे अनोखे आंदोलन पाहुन चर्चा पंचक्रोशीत चर्चा होवू लागली. आंदोलनांचे नियोजन सांगलीत नागरिक जागृती मंचांच्या वतीने करण्यात आले. यानंतरही रेल्वेप्रशासनाने असेच काम सुरु ठेवले तर बेमुदत रेल रोको आंदोलन करण्याचा इशारा संतप्त नागरिकांकडून देण्यात आलाय.