‘राज्य कारभाराच्या दृष्टीने केंद्र आणि राज्य सरकारचे समीकरण त्यांच्यासाठी सुरळीत होते. अर्थात त्याची कारणमीमांसा करण्यात अर्थ नाही. पण हे सत्य आहे’, असे स्पष्ट मत देसाई यांनी व्यक्त केले. ‘तुमची शिवसेना इतकी वर्षे महापालिकेत व राज्यातही सत्तेवर असूनही धारावीचा पुनर्विकास का झाला नाही’, या प्रश्नावर उत्तर देताना त्यांनी भूमिका मांडली. ‘धारावी पुनर्विकासाला विरोध नाही. मात्र तो स्थानिकांच्या भावना लक्षात घेऊन व्हायला हवा. देशविदेशांमध्ये येथील बाजारपेठेची ख्याती आहे. त्यामुळे या माणसांच्या जगण्याचा व त्यांच्या उद्योगधंद्याचा विचारही व्हायला हवा’, असे ते यावेळी म्हणाले.
‘मुंबई, महाराष्ट्रामध्ये गुजराती-मराठी वादाला निवडणुकीच्या निमित्ताने राजकीय रंग देण्याचा प्रयत्न होत आहे. भूमिपुत्राला नोकरी तसेच इतर महत्त्वाच्या ठिकाणी प्राधान्य मिळायला हवे. कर्नाटक, तमिळनाडूमध्ये बाहेरून आलेले नागरिक तेथील संस्कृतीशी समरस होतात. ते तेथील स्थानिक भाषा आत्मसात करतात. पुरोगामी महाराष्ट्र हा सांस्कृतिकदृष्ट्या प्रगल्भ आहे. मुंबई देशाची आर्थिक राजधानी आहे. मराठी माणसाचे हक्क अधिकार, त्याच्या प्रश्नासंदर्भात पक्षाने कायम भूमिका घेतली आहे. यापुढेही असा अन्याय कुणावर होत असेल तर आम्ही आहोत ना’, असे देसाई म्हणाले.
‘अजून किती पुरावे हवेत?’
‘मराठी भाषेला अभिजात दर्जा देण्यासाठी अजून किती पुरावे द्यायचे, किती शिलालेख, दस्तावेज सादर करायचे? सरकारच्या समित्या आणि अभ्यासकांनी हा मुद्दा लावून धरायला हवा’, असा आग्रह त्यांनी यावेळी धरला.
शिवसैनिक पाय रोवून उभा
‘शिवसेनेच्या पक्षफुटीनंतरही सच्च्या शिवसैनिकामध्ये अस्वस्थता आलेली नाही. तो पाय घट्ट रोवून उभा आहे. तो कधीही खचून गेलेला नाही. पक्षफुटीनंतर तेव्हा असा विचार कुणीही केलेला नव्हता. पक्ष फोडला असे ते उघडपणे सांगतात. ही बदलती संस्कृती काय आहे? सर्वसामान्य मराठी माणसाला यामध्ये कधीही रुची नव्हती’, असे मत त्यांनी मांडले.
फडणवीसांकडे राजकीय इच्छाशक्ती, राष्ट्रहिताची निर्णयक्षमता मोदींमध्ये, उज्ज्वल निकम यांची स्तुतिसुमनंRead Latest Maharashtra News Updates And Marathi News
‘वॉशिंग मशिन’ तात्पुरते?’
‘विविध घोटाळ्यांचे आरोप असलेले नेते भाजपमध्ये गेल्यानंतर शुद्ध होतात, असा आरोप होतो. त्या आरोपींपैकी काही तुमच्या पक्षात होते. मग तेव्हा ते तुम्हाला चालले का’, या प्रश्नावर देसाई यांनी उत्तर देताना भाजपकडे बोट दाखवले. ‘आम्ही तडजोड करण्याचा प्रश्नच नव्हता. कारण तपाससंस्था नित्यनेमाने चौकशी, नोटिसा पाठवत होत्या. त्यांचा भाजप प्रवेश झाल्यानंतरच ते सर्व बंद झाले. म्हणूनच भाजपसाठी वॉशिंग मशिन हा शब्द रूढ झाला. तसे असले तरी काही दिवसांपूर्वी भाजपच्याच गृहमंत्र्यांनी सूचक वक्तव्य केले आहे. घोटाळ्यांच्या केस बंद झालेल्या नाहीत. त्यामुळे भविष्यात विचारमंथन, मनधरणी काय होईल माहीत नाही. पण ते वक्तव्य महत्त्वाचे आहे. शिवाय तपाससंस्था स्वायत्त आहेत की नाहीत, हेही भविष्यात ठरेल’, असे ते म्हणाले.