सकाळपासूनच भुशी डॅम परिसरामध्ये पर्यटकांनी मोठ्या संख्येने गर्दी केली आहे. भुशी डॅमच्या बॅक वॉटरमध्ये बुडालेले सर्व पर्यटक हे बाहेरचे असल्याची माहिती समोर येत आहे. या घटनेने भुशी डॅम परिसरामध्ये पोलिसांकडून कडक बंदोबस्त ठेवण्यात आला आहे.
पावसाने जोर धरला, पर्यटकांची पावलं लोणावळ्याकडे वळली
लोणावळा परिसरामध्ये पावसाने जोरदार हजेरी लावली असून राज्य देशासह राज्यभरातील या ठिकाणी पर्यटक पर्यटनासाठी येत असतात. या ठिकाणी पर्यटकांची मोठ्या संख्येने गर्दी झालेली पाहायला मिळत आहे. घटनेची माहिती मिळताच स्थानिक लोणावळा ग्रामीण पोलीस आणि रेस्क्यू टीम घटनास्थळी दाखल झाले आहेत. पोलिसांकडून कडेकोट बंदोबस्त ठेवण्यात आला आहे. पहिल्याच पावसामध्ये भुशी डॅम परिसरामध्ये इतक्या मोठ्या संख्येने पर्यटक दाखल झाले आहेत.
बॅकवॉटरमध्ये बुडीलेल्या पर्यटकांची अळोख अज्ञाप पटलेली नसून पोलिसांकडून त्यांचा तपास केला जात आहे. एकच खळबळ उडाली असून पोलिसांकडून पर्यटकांना बाहेर काढण्याचे काम सुरू आहे. या ठिकाणी फिरायला येताना पर्यटकांनी काळजी घेण्याचे आवाहन पोलिसांकडून करण्यात आले आहे. पावसाची संततधार सुरू असल्याने रेस्क्यू टीमला मृतदेह बाहेर काढण्यासाठी प्रचंड अडथळ्यांचा सामना करावा लागत आहे. लोणावळा परिसरामध्ये सकाळपासूनच पर्यटकांची गर्दी झाली असून लांबच लांब वाहनाच्या रांगा देखील लागलेल्या आहेत.