‘शिवाजीराव आढळराव हे नाटककार नाहीत. प्रतिस्पर्धी नाटकी आहे. लोक तिकीट काढून नाटक पाहायला जातात; पण नाटक पडेल असेल, तर पुन्हा कोणी जात नाही. शिरूरच्या जनतेने एकदा तिकीट घेतले; पण आता नाही,’ असा टोला उपमुख्यमंत्री फडणवीस यांनी खासदार कोल्हे यांना सोमवारी शिरूर येथे झालेल्या सभेत लगावला होता. त्यावरून कोल्हे यांनी फडणवीस यांच्यावर पलटवार केल्याने नाटकावरून कलगीतुरा रंगला आहे.
‘आपल्यासारख्या विकासावर बोलणाऱ्या नेत्यांकडून हे अपेक्षित नव्हते. आढळरावांना नाटक जमत नाही; पण जनतेने विश्वासाने निवडून दिल्यानंतर स्वतःच्या कंपनीचा व्यवसाय चोख जमतो,’ अशी टीका कोल्हे यांनी केली. ‘आढळरावांना नाटक जमत नाही, हे अर्धसत्य सांगितले. संसदेत जाऊन आढळरावांना व्यवसाय करता येतो, हे सांगितले नाही,’ असा टोला कोल्हे यांनी लगावला. ‘फडणवीस यांनी पुणे-नाशिक सेमी हायस्पीड रेल्वे, इंद्रायणी मेडिसिटी, हे प्रकल्प का रखडले यावर बोलावे,’ असे आवाहनही कोल्हे यांनी केले.
कंपनीवरून आरोप-प्रत्यारोपांच्या फैरी
शिवाजीराव आढळराव पाटील यांच्या व्यवसायावरून आरोप-प्रत्यारोपांच्या फैरी झडू लागल्या आहेत. ‘आढळराव यांनी संसदेत स्वतःच्या कंपनीच्या फायद्यासाठी संरक्षण खात्याविषयीच प्रश्न विचारले होते,’ असा आरोप करून डॉ. अमोल कोल्हे यांनी ‘हे तर लोकप्रतिनिधीच्या वेशातील व्यापारी आहेत,’ अशी टीका केली होती. त्यावर आढळराव यांनी ‘पुरावे द्या; अन्यथा निवडणुकीच्या रिंगणातून माघारी घ्या,’ असे आव्हान कोल्हे यांना दिले.
शपथविधीत वळसेंचं नाव आलं अन् गडी बिथरला; हा काय एवढा मोठा नेता आहे? अजितदादांच्या अशोक पवारांना कानपिचक्याRead Latest Maharashtra News Updates And Marathi News
आढळरावांनी संरक्षण विभागाला सुटे भाग पुरवणाऱ्या कंपनीचे प्रश्न विचारल्याचा आरोप कोल्हे यांनी केला आहे. ‘मी लोकसभेत रॉकेट आणि शस्त्रास्त्रासंदर्भात कराराची माहिती विचारली होती. मी कंपनी कष्टातून उभी केली आहे. प्रतिस्पर्धी उमेदवाराला पराभव दिसत असल्याने माझ्यावर आरोप करण्यात येत आहे,’ अशी टीका आढळराव यांनी केली.