ही घटना घडल्यानंतर मिहीरने वडील शिवसेना उपनेता राजेश शाह यांना फोन केला, तेव्हा त्यांनी मिहीरला ड्रायव्हरसोबत सीट बदलण्याचा सल्ला दिल्याची संतापजनक माहिती समोर आली आहे. या घटनेत कावेरी नाखवा यांचा दुर्दैवी मृत्यू झाला होता.
लाडोबाला पकडण्यासाठी पोलिसांची सहा पथकं
याप्रकरणी पोलिसांनी आता शिवसेनेच्या उपनेत्याच्या या लाडोबाला पकडण्यासाठी सहा पथक तयार केले आहे. त्याच्यावर आपल्या बीएमडब्ल्यू कारने दुचाकीला धडक दोघांना चिरडल्याचा आरोप आहे, ज्यामध्ये एका महिलेचा मृत्यू झाला. तर, तिचा पती जखमी झाला. मिहीर शाहविरोधात लूक आऊट नोटीस जारी करण्यात आला आहे.
‘त्या’ रात्री पबमध्ये नेमकं काय घडलं?
मिळालेल्या माहितीनुसार, ही भीषण घटना घडण्यापूर्वी मिहीर शाह हा एका पबमध्ये आपल्या मित्रांसोबत गेला होता. तिथे त्यांनी जेवण केलं आणि दारुही प्यायली. पण, मिहीरने फक्त एनर्जी ड्रिंक रेड बुल प्यायली, असा दावा त्या पबच्या मालकाने केला आहे.
चार जण रात्री ११ वाजून ८ मिनिटांनी पबमध्ये आले. ते पबमध्ये बसले, त्यांनी जेवण केलं, दारु प्यायली आणि ते १२ वाजून ४० वाजता पबमधून निघाले. मिहीर नावाच्या तरुणाने दारु प्यायलवी नाही. त्याने फक्त रेड बुल प्यायलेली. सीसीटीव्ही फुटेज तपासून पोलिस याबाबतची पडताळणी करत आहेत. हे चौघे मर्सिडिज कारमध्ये पबमध्ये आले होते. आमच्या पबचा या दुर्घटनेत सहभागी असलेल्या कार किंवा ड्रायव्हरशी काहीही संबंध नाही, असं या पबच्या मालकाने सांगितलं.