अक्षय शांताराम दिघे (वय ३३) आणि तेजल अक्षय दिघे (वय २६) तसेच टँकर चालक दत्तात्रय किसन वामन हे जागेवरच ठार झाले तर शकील अमजत शेख या टेम्पो चालकाचा उपचारादरम्यान मृत्यू झाला आहे. या घटनेने एकच खळबळ उडाली होती. जखमींवर आळेफाटा येथील रुग्णालयात उपचार सुरू आहेत. या बाबत निसार लतीफ पठाण यांनी टोकवडे पोलीस ठाण्यात फिर्याद दिली आहे.
याबाबत पोलिसांनी दिलेली माहिती अशी की, दिघे पती पत्नी हे नातेवाईकाच्या लग्ना निमित्त गावी आले होते. मात्र शुक्रवारी दुपारी परत मुंबईला दुधाच्या टँकरमध्ये माळशेज मार्गे कल्याणला जात होते. त्यावेळी कल्याण बाजूकडून जुन्नर बाजूला येत असलेल्या मालवाहू ४०७ टेम्पोची नगर-कल्याण महामार्गावर आवळ्याची वाडी येथे समोरासमोर धडक झाली.
रोहित पवारांचा कट्टर समर्थक अजितदादांच्या राष्ट्रवादीत, बारामती मतदानाच्या तोंडावर जबर झटका
समोरासमोर झालेली धडक एवढी भीषण होती की, दुधाच्या टँकरची टाकी तुटून बाजूला पडली. तसेच समोरच्या टेम्पोची देखील मोठे नुकसान झाले. यात बसलेले दिघे दाम्पत्य जागीच ठार झाले. तसेच दुधाच्या टँकर चालकाचा देखील जागेवर मृत्यू झाला. तसेच टेम्पो चालकाला उपचारासाठी रुग्णालयात दाखल केले असता त्याचा उपचारादरम्यान मृत्यू झाला आहे.
Read Latest Maharashtra News Updates And Marathi News
या अपघातात सुदैवाने दिघे यांचा सात वर्षांचा मुलगा आरूष वाचला असून तो जखमी झाला आहे. या प्रकरणाचा अधिक तपास टेकावडे पोलिस करत आहे.