माझ्या राजकीय प्रवेशावर बोलणाऱ्यांना राज ठाकरे उत्तर देतील, उज्ज्वल निकम यांना विश्वास

मुंबई : प्रमोद महाजन यांच्या कन्या आणि दोन टर्म खासदार पूनम महाजन यांचा पत्ता कापून उत्तर मध्य मुंबई लोकसभा मतदारसंघातून भाजपने यंदा ज्येष्ठ कायदेतज्ज्ञ अॅड. उज्ज्वल निकम यांना उमेदवारी जाहीर केली आहे. उमेदवारी अर्ज दाखल करण्याच्या शेवटच्या दिवशी निकम फॉर्म भरणार आहेत. मी राजकारणात प्रवेश केल्याबद्दल टीका करणाऱ्या लोकांना मनसे अध्यक्ष राज ठाकरे नक्की त्यांच्या शैलीत उत्तर देतील, असा विश्वास उज्ज्वल निकम यांनी व्यक्त केला.

अॅड. उज्ज्वल निकम काय म्हणाले?

माझ्या आयुष्यातील एक महत्त्वाचं स्थित्यंतर आज घडून येत आहे. श्रीगणेशा चरणी नतमस्तक होण्याकरता जात आहे. आशीर्वाद घेण्यासाठी जातोय. राजकारणात उतरल्या बरोबर अनेकांच्या भुवया उंचावल्या. अनाप शनाप बोलण्यात आलं. माझ्यावर संस्कृतीचा पगडा आहे, त्यामुळे मी त्या भाषेत बोलणार नाही. बेछूट, बेलगाम, खोट्या आरोपांना जनता उत्तर देईल, असा विश्वास उज्ज्वल निकम यांनी व्यक्त केला.
महायुतीला पाठिंबा देताच ‘विठ्ठल’ पावला, अभिजित पाटील यांच्या साखर कारखान्याची जप्ती टळली
शक्तिप्रदर्शनासाठी कोणते नेते येणार याची कल्पना नाही. मात्र आमची महायुती आहे, यात भाजप, शिवसेना, राष्ट्रवादी काँग्रेस, मनसे नेते उपस्थित राहण्याची शक्यता निकम यांनी व्यक्त केली.
मातोश्रींच्या बालेकिल्ल्यातून राहुल गांधी रिंगणात, अमेठी-रायबरेलीचा सस्पेन्स संपला, दोन उमेदवार जाहीरRead Latest Maharashtra News Updates And Marathi News

राज ठाकरे यांची भेट घेतल्याबद्दलही निकमांनी उत्तर दिलं. “राज साहेबांचा स्पष्ट वक्तेपणा आणि जे आहे ते जनतेला भावतं. मी राजकारणात येतो असं म्हटल्यानंतर बोलणाऱ्या लोकांना राज ठाकरे नक्कीच त्यांच्या शैलीत उत्तर देतील, असा विश्वासही अॅड. उज्ज्वल निकम यांनी यावेळी बोलून दाखवला.