मुस्कटदाबीची चर्चा
मी नाराज असल्याच्या बातम्या आल्या म्हणून अजितदादांशी आज भेट झाली. राजकारणातील माझ्या भगिनी आहेत सुषमा अंधारे, त्यांनी ट्वीट केलं होतं माझ्या नाराजीवरुन. आज सकाळी सात वाजता अजितदादांशी भेट झाली, अजितदादांनीही विचारलं, का नाराज आहेत, का मुस्कटबाजी (मुस्कटदाबी) होतेय, खरं काय ते सांगा, कसबा मतदारसंघाबाबतही चर्चा केली, असं रुपाली पाटील यांनी भेटीनंतर सांगितलं.
सुषमा अंधारेंचे आभार
मी तेव्हाही म्हणाले होते की मी अजितदादांच्या नेतृत्वावर विश्वास ठेवून राष्ट्रवादी काँग्रेस पक्षात प्रवेश घेतला आहे. सुषमा ताईंनी दिलेल्या ऑफरबद्दल मी त्यांची आभारी आहे. राजकारणात एखादी महिला दुसरीला आपल्या पक्षात येण्याची विचारणा करताना दिसत नाही. मी अजितदादांसोबत आहे… ते म्हणाले की तुमची मुस्कटदाबी सांगितली तर मला समजेल. लोकसभेला जनतेचा कौल होता, तो विनम्रपणे स्वीकारुन विधानसभेला सामोरं जायचं आहे. दादांनी माझ्यासारख्या कार्यकर्तीची दखल घेतली हेच मोठं आहे, असंही रुपाली पाटील म्हणाल्या.
Ravindra Waikar : रवींद्र वायकर ‘शिवतीर्थ’वर, राज ठाकरेंशी भेट; EVM हॅकिंगवर म्हणतात, मोदींनीही ४०० पार…
सुषमा अंधारेंसारख्या काम करणाऱ्या महिलेला संधी मिळाली नाही, म्हणून त्या राष्ट्रवादी सोडून शिवसेनेत गेल्या होत्या. आज माझ्या मतांची दखल अजितदादांनी घेतली. सगळ्याच काम करणाऱ्या महिलांना संधी कशी द्यायची, याची ते काळजी घेणार आहेत, असंही त्या म्हणाल्या.
Read Latest Maharashtra News Updates And Marathi News
चाकणकरांवर अप्रत्यक्ष वार
राजकारणात महिलांना संधी लवकर मिळाली पाहिजे. काही जणी नुसत्या पाट्या टाकतात. राजकारणात चांगल्या घरातील महिला यायला हव्या असतील, तर तसं सक्षम नेतृ्त्व पक्षाने दिलं पाहिजे. महिला आयोगाचं अध्यक्षपद असो किंवा महिला प्रदेशाध्यक्ष पद, हे एकाच घरात आहे, हे विरोधकच आम्हाला सांगत आहेत. ते दीड-दीड वर्षांनी द्यायला हवं, जसं पुण्याचं महापौरपद काही काळ वाटून दिलं होतं. काम करणाऱ्या नेतृत्वाला समान संधी मिळायला हवी, संघटन व्हायला हवं. ही बाब वरिष्ठांच्या नजरेत आणणं गरजेचं आहे, याकडे रुपाली पाटील यांनी लक्ष वेधलं.