या आकडेवारीनुसार महाराष्ट्राने गेल्या वर्षीपेक्षा अधिक परकी गुंतवणूक या वर्षी प्राप्त केली आहे. महाराष्ट्रातील गुंतवणूक गुजरातमधील प्राप्त गुंतवणुकीच्या दुप्पट आहे. उपमुख्यमंत्री देवेंद्र फडणवीस यांनी याबाबतची माहिती शुक्रवारी ‘एक्स’वर जाहीर करताना, ‘बोलायला नव्हे, तर कर्तृत्व दाखवायला हिंमत लागते,’ असे लिहून विरोधकांना टोला लगावला.
फडणवीस यांनी ही माहिती देताना त्यासोबत आकडेवारीही दिली आहे. या आर्थिक वर्षांतील ही गुंतवणूक गुजरातमध्ये प्राप्त झालेल्या एकूण गुंतवणुकीपेक्षा दुपटीहून अधिक आहे. गुजरात आणि तिसऱ्या क्रमांकावरील कर्नाटक यांच्या एकूण बेरजेपेक्षाही महाराष्ट्रातील गुंतवणूक अधिक आहे, याकडे फडणवीस यांनी लक्ष वेधले आहे. याशिवाय त्यांनी ‘डीपीआयआयटी’ने जाहीर केलेल्या आकडेवारीचा तक्ताही सोबत दिला आहे.
वर्ष गुंतवणूक (लाख कोटी रुपयांत)
२०२२-२३ – १,१८,४२२
२०२३-२४ – १,२५,१०१
महाविकास आघाडीच्या काळात गुंतवणूक आकर्षित करण्यात पिछाडीवर पडलेला महाराष्ट्र पुन्हा एकदा सलग दोन वर्षे पहिल्या क्रमांकावर आहे. महाराष्ट्रातील जनतेचे मी मनापासून अभिनंदन करतो.- देवेंद्र फडणवीस, उपमुख्यमंत्री