मुंबई: लोकसभा निवडणुकीत जागावाटपावरुन महायुतीत बरीच रस्सीखेच झाली. सत्तेत तीन पक्ष असल्यानं महायुतीचं जागावाटप खोळंबलं. राज्यात भारतीय जनता पक्षाला ३२ ते ३५ जागा लढवायच्या होत्या. पण मुख्यमंत्री एकनाथ शिंदेंनी जागावाटपा आपलं वजन वापरलं आणि १५ जागा पदरात पाडून घेतल्या. तर अजित पवारांच्या राष्ट्रवादी काँग्रेसला पाच जागा मिळाल्या. त्यातील एक जागा त्यांना मित्रपक्षाला सोडावी लागली. त्यामुळे महायुतीत बरीच खेचाखेच, नाराजीनाट्य, धुसफूस पाहायला मिळाली. लोकसभा निवडणूक संपताच आता महायुतीत विधानसभा निवडणुकीच्या जागावाटपावरुन वातावरण तापू लागलं आहे.
विधानसभेच्या जागावाटपात लोकसभा निवडणुकीतील स्ट्राईक रेट महत्त्वाचा ठरणार आहे. त्यामुळे विधानसभा निवडणुकीत कोणत्या पक्षाला किती जागा मिळणार हे लोकसभेचा निकाल ठरवेल. लोकसभा निवडणुकीत ज्या पक्षाचा स्ट्राईक रेट चांगला असेल, त्या पक्षाला महायुतीत अधिक जागा मिळतील, असं वृत्त एबीपी माझानं सुत्रांच्या हवाल्यानं दिलं आहे. विधानसभेच्या जागावाटपात जिंकून येण्याचा निकष सर्वात महत्त्वाचा विषय असेल.
फडणवीसांची आवडती टर्म पुन्हा केंद्रस्थानी
२०१४ मध्ये झालेल्या विधानसभा निवडणुकीआधी भाजप, शिवसेनेची युती तुटली. त्या निवडणुकीत भाजपनं २६० जागा लढवत १२२ जागा जिंकल्या होत्या. तर २०१९ मध्ये भाजप शिवसेनेसोबत युतीत लढला. त्यावेळी त्यांनी १६४ जागा लढवून १०५ जागा जिंकल्या होत्या. विधानसभेच्या निकालानंतर तत्कालीन मुख्यमंत्री देवेंद्र फडणवीसांनी निकालावर भाष्य करताना हीच आकडेवारी मांडली. यंदा आम्ही कमी जागा जिंकलो. पण आमचा स्ट्राईक रेट गेल्या निवडणुकीच्या तुलनेत अधिक आहे, असं फडणवीसांनी सांगितलं होतं. आता हाच स्ट्राईक रेट विधानसभा निवडणुकीच्या जागावाटपात महत्त्वाचा असेल. कोणत्या पक्षाला किती जागा मिळणार ते लोकसभा निवडणूक निकालाच्या स्ट्राईक रेटवरुनच ठरेल.
विधानसभेच्या जागावाटपात लोकसभा निवडणुकीतील स्ट्राईक रेट महत्त्वाचा ठरणार आहे. त्यामुळे विधानसभा निवडणुकीत कोणत्या पक्षाला किती जागा मिळणार हे लोकसभेचा निकाल ठरवेल. लोकसभा निवडणुकीत ज्या पक्षाचा स्ट्राईक रेट चांगला असेल, त्या पक्षाला महायुतीत अधिक जागा मिळतील, असं वृत्त एबीपी माझानं सुत्रांच्या हवाल्यानं दिलं आहे. विधानसभेच्या जागावाटपात जिंकून येण्याचा निकष सर्वात महत्त्वाचा विषय असेल.
फडणवीसांची आवडती टर्म पुन्हा केंद्रस्थानी
२०१४ मध्ये झालेल्या विधानसभा निवडणुकीआधी भाजप, शिवसेनेची युती तुटली. त्या निवडणुकीत भाजपनं २६० जागा लढवत १२२ जागा जिंकल्या होत्या. तर २०१९ मध्ये भाजप शिवसेनेसोबत युतीत लढला. त्यावेळी त्यांनी १६४ जागा लढवून १०५ जागा जिंकल्या होत्या. विधानसभेच्या निकालानंतर तत्कालीन मुख्यमंत्री देवेंद्र फडणवीसांनी निकालावर भाष्य करताना हीच आकडेवारी मांडली. यंदा आम्ही कमी जागा जिंकलो. पण आमचा स्ट्राईक रेट गेल्या निवडणुकीच्या तुलनेत अधिक आहे, असं फडणवीसांनी सांगितलं होतं. आता हाच स्ट्राईक रेट विधानसभा निवडणुकीच्या जागावाटपात महत्त्वाचा असेल. कोणत्या पक्षाला किती जागा मिळणार ते लोकसभा निवडणूक निकालाच्या स्ट्राईक रेटवरुनच ठरेल.
पुन्हा नको खटपट, भुजबळांकडून ८०-९० ची आठवण
विधानसभा निवडणुकीत राष्ट्रवादी काँग्रेसला ८० ते ९० जागा देण्याचा शब्द भाजपनं दिला असल्याची आठवण मंत्री छगन भुजबळ यांनी कालच करुन दिली. मुंबईत आयोजित करण्यात आलेल्या राष्ट्रवादी काँग्रेसच्या पदाधिकारी मेळाव्यात त्यांनी भूमिका रोखठोकपणे मांडली. आपला हक्काचा वाटा मिळायला हवा. लोकसभेसाठी खटपट विधानसभेवेळी होता कामा नये, असं भुजबळ म्हणाले. त्यावेळी तिथे उपमुख्यमंत्री अजित पवार उपस्थित होते. यावर भाष्य करताना उपमुख्यमंत्री देवेंद्र फडणवीसांनी त्यांच्या पक्षाची भूमिका मांडली. महायुतीत भाजप सर्वात मोठा पक्ष आहे. त्यामुळे भाजप अधिक जागा लढवेल, असं फडणवीस म्हणाले.