‘उत्तर-मध्य मुंबई लोकसभा मतदारसंघातील प्रतिस्पर्धी उमेदवार कोर्ट-कचेरीत तज्ज्ञ असले तरी मी मतदारांसाठी काम करणारी, विधानसभेत बोलणारी उमेदवार आहे. विमानतळ परिसरातील फनेल झोनमधील मध्यमवर्गीयांच्या इमारतींच्या पुनर्विकासाचा प्रश्न रखडला आहे. एअर इंडियाची वसाहत, मदर डेअरीची जागा यांसह चांदिवली, वांद्रे, कुर्ल्यातील झोपडपट्टी विभागात पाणी आणि विजेची समस्या गंभीर आहे. हे प्रश्न आपण प्राधान्याने सोडवणार आहोत’, असे गायकवाड यांनी सांगितले.
‘धारावीतील आमदार नव्हे धारावीतील मुलगी अशी माझी ओळख आहे. धारावीच्या जागेवर हक्क गाजवून येथील रहिवाशांना बाहेर काढण्याची भाषा केली जात आहे. या विरोधात काँग्रेसची लढाई सुरूच राहणार आहे. धनधांडग्यांसाठी धोरणात्मक बदल करणाऱ्या केंद्र सरकारने फनेल झोनमधील इमारतीच्या पुनर्विकासाठी ‘एफएसआय’ धोरण का राबवले नाही’, असा प्रश्न त्यांनी उपस्थित केला. पक्षाचा आदेश शेवटचा असे मानून उत्तर मध्य मतदारसंघातून उमेदवारी लढवत असल्याचे गायकवाड म्हणाल्या.
‘काँग्रेसमध्ये गट-तट नाहीत. महाविकास आघाडीतील सर्वच घटकपक्ष एकत्र काम करत आहेत. मतदारांना गृहीत धरण्याचा प्रकार भाजपकडून करण्यात येत असल्याने ‘४०० पार’ची घोषणा देण्यात येते. जातीयतेच्या मुद्द्यांपेक्षा मूलभूत मुद्द्यांवर देशाच्या पंतप्रधानांनी बोलायला हवे. निवडणुकीच्या तोंडावर काँग्रेसमधून गेलेले नेते केवळ स्वार्थासाठी गेले आहेत. पक्षाशी निष्ठा असलेले नेते पक्षात आहेत. त्याच बळावर मुंबईतील सहा मतदारसंघांसह राज्यात ३६-३७ जागा निवडून येणार आहेत. त्याचबरोबर चार जागांवर संभ्रम असला तरी त्याही महाविकास आघाडीकडेच येणार असल्याने राज्यातील ४० जागा आम्ही जिंकणार आहोत’, असा विश्वास गायकवाड यांनी व्यक्त केला.
शपथविधीत वळसेंचं नाव आलं अन् गडी बिथरला; हा काय एवढा मोठा नेता आहे? अजितदादांच्या अशोक पवारांना कानपिचक्याRead Latest Maharashtra News Updates And Marathi News
‘ते’ वक्तव्य वैयक्तिक
‘विधानसभेचे विरोधी पक्षनेते व काँग्रेसचे ज्येष्ठ नेते विजय वड्डेटीवार यांनी शहीद हेमंत करकरेंबाबत केलेले वक्तव्य हे त्यांचे वैयक्तिक आहे. त्याचा पक्षाशी संबंध नाही. मीदेखील सहमत नाही. स्वातंत्र्यलढ्यात काँग्रेसचे नेते वेळप्रसंगी फासावरही गेले आहेत. देशाच्या इतिहासात काँग्रेसचा उल्लेख विध्वंसक म्हणून होणार नाही. ‘सर्वधर्म समभाव’ ही काँग्रेसची भूमिका आहे. त्यामुळे सर्व मतदारांना सोबत घेऊनच विजयाच्या दिशेने वाटचाल सुरू आहे’, असे गायकवाड यांनी नमूद केले.