संविधानांच्या तरतुदीत मराठा समाज सामाजिक मागासलेपण सिद्ध करु शकला नाही. कोर्टाने सुद्धा ही बाब सांगितले ६०० पानांचे जजमेंट दिले, याबाबीवर कोणीही बोलायला तयार नाही. एखादा आंदोलन करतो, झुंडशाहीच्या जोरावर सगळ्यांना वेठीस धरतो, भुजबळांना संपवतो, विधानसभेला २८८ जागांवर लढवीन असे इशारा देतो, सरकारला वेठीस धरतो अशी दादागिरी चालणार नाही सरकारचा मला राग येतो की ते मनोरंजन करतात? त्यांनी फक्टॅस दाखवावेत जरांगेंना असा थेट सल्ला हाकेंनी दिलाय.
मराठा समाज मागसलेला नाही आणि आरक्षण खिरापत वाटण्याचा कार्यक्रम नाही असे म्हणत हाकेंनी थेट जरांगेंना टोला लगावला. आरक्षण का दिले जाते? कोणाला दिले जाते? यांचा अभ्यास करा असा हाकेंनी जरांगेंना सल्ला दिला आहे. तुमचेच मुख्यमंत्री आणि तुमचेच आमदार खासदार आहेत कित्येक वर्ष सत्तेत आहेत, विधानसभेत लोकसभेत मराठा समाजाचे प्रतिनिधित्व जास्त आहेत तुलनेत इतर समाजाचे प्रतिनिधित्व कमी आहे असा आकडाच हाकेंनी वाचून दाखवला. आरक्षण समाजातील वचिंत प्रवर्गांना मुख्य प्रवाहात आणण्यासाठी दिले जाते असे हाके म्हणाले.
पुढे बोलताना हाके म्हणाले जरांगेंचे बोलणे म्हणजे पारावरच्या गप्पा अशा शब्दांत हाकेंनी जरांगेंच्या टीकेला उत्तर दिले. भुजबळांच्या सांगण्यावरून मी काम करतोय, माझा धनगरांशी काही संबध नाही असे काही बोलू नये अशी सक्तीची ताकीद हाकेंनी जरांगेंना दिली.मनोज जरांगेंना आरक्षण कळतंय का? सरकारने केलेले सर्वेक्षण बोगस असल्याचा दावा सुद्धा हाकेंनी केलाय.