नेमकं काय घडलं?
मिळालेल्या माहितीनुसार, सुनील पोपट कोळी आणि निकिता मिलिंद कांबळे हे नवदांपत्य आरग येथील एका भाड्याच्या खोलीत वास्तव्यास होते. मृत सुनील पोपट कोळी हा वाळवा तालुक्यातील बिचुद या गावातील रहिवासी असून तो ड्रायव्हर होता. तर मृत निकिता मिलिंद कांबळे ही पलूस तालुक्यातील मोराळे गावातील आहे. मागील सहा महिन्यापूर्वी या दोघांनी प्रेम विवाह केला होता. आई-वडिलांच्या संमतीशिवाय विवाह केल्यामुळे तेव्हापासूनच दोघेही भाड्याच्या खोलीत राहत होते. आठ दिवसांपूर्वीच दोघेही आरग येथे राहण्यास आले होते.
या दोघांचा संसार सुरळीत सुरू होता. मात्र एका रात्री निकिताने गळफास लावत आत्महत्या केली. त्यानंतर काही वेळातच सुनीलने त्याच ठिकाणी गळफास लावून आपलं जीवन संपवलं. घटनेची माहिती मिळताच पोलिसांनी घटनास्थळी धाव घेतली. या दोघांच्या आत्महत्येमागचं नेमकं कारण अद्याप स्पष्ट झालेलं नाही. या प्रकरणी पोलीस अधिक तपास करत आहेत.