सध्या लोकसभा निवडणुकीच्या निकालाचे वेध सर्वच राजकीय पक्षांना लागलेले आहेत. अशातच लोकसभा निकालानंतर मंत्रिमंडळ विस्ताराच्या हालचालींना वेग येईल अशी भाजपच्या अंतर्गत गोटातून माहिती मिळत आहे. सध्या बऱ्याच मंत्र्यांकडे मोठ्या प्रमाणात खाती असल्याकारणाने त्यांना त्या विभागांना पाहिजे तेवढा वेळ देता येत नाही. भाजप ,राष्ट्रवादी आणि शिंदेंच्या सेनेच्या कुठल्या आमदाराला मंत्री पद मिळेल याबाबत कमालीची गुप्तता पाळण्यात येत आहे. मात्र मंत्रिमंडळ विस्तार नेमका कधी होईल याबाबत सध्या नेमकं सांगता येणार नाही असं एका आमदारांनी खाजगीत बोलताना सांगितलेलं आहे. ज्या आमदारांना मंत्रिमंडळात स्थान मिळणार नाही त्यांची महामंडळावर नियुक्ती करून नाराजी दूर करण्याचा या निमित्ताने प्रयत्न केला जाणार असल्याचं समजतंय.
Read Latest Maharashtra News Updates And Marathi News
भरतशेठ गोगावले आणि संजय शिरसाठ यांना संधी?
मंत्री पदासाठी कोट शिवून ठेवलेले महाडचे आमदार भरत शेठ गोगावले हे मंत्रीपदासाठी सुरुवातीपासूनच इच्छुक आहेत. अदिती तटकरे यांना रायगडचे पालकमंत्री पद सोपविल्यानंतर त्यांनी उघड नाराजी व्यक्त केली होती. मात्र शिवून ठेवलेल्या कोटला आता तरी मुहूर्त मिळेल अशी त्यांची अपेक्षा आहे.
Medha Kulkarni : अमोल मिटकरी ज्या व्यासपीठावर, तिथे मी जाणार नाही, भाजप खासदार मेधा कुलकर्णींची स्पष्ट भूमिका
शिंदेंच्या सेनेचे प्रवक्ते आणि आमदार संजय शिरसाठ यांना पण मंत्रिपदाची लॉटरी लागण्याची शक्यता वर्तवण्यात येत आहे. अजित पवारांच्या राष्ट्रवादीची सत्तेत एन्ट्री झाल्याने इच्छुक असलेल्या आमदारांना मात्र मंत्रीपदाने हुलकावणी दिली असल्याने त्यांना आगामी मंत्रिमंडळाच्या विस्तारात संधी मिळणार का? हे काही दिवसातच समजेल. मंत्रिमंडळ विस्तार मात्र लोकसभेचा निकाल काय लागतो यावर बरंच काही अवलंबून आहे.