शिरूर लोकसभा मतदारसंघासाठी आज, सोमवारी (१३ मे) मतदान होणार आहे. राष्ट्रवादी काँग्रेस शरदचंद्र पवार पक्षाचे उमेदवार डॉ. अमोल कोल्हे आणि राष्ट्रवादी काँग्रेस पक्षाचे उमेदवार शिवाजीराव आढळराव पाटील या प्रमुख दोन उमेदवारांमध्ये चुरस पाहायला मिळत आहे. शिरूर लोकसभा मतदारसंघात ४० हजार २४२ नवमतदारांची नोंद झाली आहे.
‘हडपसर विधानसभा मतदारसंघात सर्वाधिक पाच लाख ८१ हजार ९०४ मतदार आहेत. या मतदारसंघात ५२१ मतदान केंद्रे आहेत. हडपसर विधानसभा मतदारसंघातील मतदानाचा टक्का वाढविण्यासाठी जनजागृती करण्यात येत आहे. दिव्यांग; तसेच गरोदर महिला आणि ज्येष्ठ नागरिकांना मतदान करताना अडचण येऊ नये, यासाठी सुविधा उपलब्ध करण्यात आल्या आहेत,’ असे हडपसर विधानसभा मतदारसंघाचे निवडणूक अधिकारी स्वप्नील मोरे यांनी सांगितले. ‘केशवनगर, मुंढवा, मांजरी परिसरातील २८ मतदान केंद्रे बदलली असून, तेथील मतदारांनी माहिती घेऊन मतदानाला जावे,’ असे आवाहनही त्यांनी केले.
लोकसभा निवडणुकीत पुणे, मावळ, शिरूर आणि बारामती या मतदारसंघांत मतपेट्यांचा वाहतूक करण्यासाठी ‘पुणे महानगर परिवहन महामंडळा’कडून (पीएमपी) ८१८ आणि एसटी महामंडळाकडून २०९ बस पुरविण्यात आल्या. मतपेट्यांना केंद्रांवर सोडल्यानंतर सायंकाळी या बस पुन्हा प्रवाशांच्या सेवेत दाखल झाल्या. सोमवारी या बस पुन्हा मार्गांवर सोडण्यात येणार आहेत. सायंकाळी पुन्हा या बस मतपेट्या गोळा करण्यासाठी जाणार आहेत. त्यामुळे आज सायंकाळनंतर रस्त्यांवर बसची संख्या कमी राहणार आहे.
Shivaji Park : लोकसभा मतदानावरील बहिष्कार मागे, शिवाजी पार्कचे रहिवासी Voting करणार, कारण ठरलं…Read Latest Maharashtra News Updates And Marathi News
पुणे मतदारसंघासाठी ५०३, मावळसाठी १७५ आणि शिरूर मतदारसंघासाठी १४० बस पुरविल्या जाणार आहेत. मावळ लोकसभा मतदारसंघाचा बराचसा भाग पिंपरी चिंचवड परिसरात येतो. शिरूरचा भाग हडपसर मतदारसंघात येतो. त्यामुळे ‘पीएमपी’कडून पुण्याबरोबरच या दोन मतदारसंघांतील पेट्या वाहून नेण्यासाठी बस देण्यात येत आहेत. मावळ आणि शिरूर लोकसभा मतदारसंघाचा बराच भाग ग्रामीण असून, त्या ठिकाणी एसटी महामंडळाकडून २०९ बस मतपेट्या वाहून नेण्यासाठी दिल्या आहेत.