पबमध्ये ८० ते ८५ हजार उडवले
यापूर्वी ही हिट अँड रन केस प्रकरणात बिल्डर विशाल अगरवालच्या अल्पवयीन मुलानेही ८० ते ८५ हजार रुपये ब्लॅक बारमध्ये खर्च केले होते. ड्रग्स घेणाऱ्या आरोपींचा शोध अजून सुरू आहे. त्यांचे व्हिडिओ आणि फोटो समोर आले जरी असेल तरी त्यांची माहिती अद्याप मिळू शकलेली नाही. हे मुलं अल्पवयीन होते का, त्या मुलांनी यापूर्वी कुठे पार्टी केली होती, या सगळ्यांचा शोध पोलीस घेत आहेत.
पोलिसांनी आतापर्यंत बार चालक-मालकासह ८ जणांना ताब्यात घेतलं आहे तर ९ जणांवर गुन्हा दाखल केला आहे. पोलीस उपयुक्त संदीप सिंग गिल यांनी याबाबतची माहिती दिली आहे.
मागच्या दारातून प्रवेश, मग ड्रग्ज पार्टी, पोलिसांनी काय-काय सांगितलं?
पोलीस उपयुक्त संदीप सिंग गिल म्हणाले, पुण्यातल्या एफसी रोडवर असणाऱ्या पब कारवाई करण्यात आली आहे. पबमधून मिळालेल्या माहिती नुसार ही मुलं रात्री उशिरा मागच्या दारातून आले. येण्यापूर्वीही त्यांनी पार्टी केली होती. पबमधील डिव्हीआर तपासणी केल्यानंतर असं कळत आहे की काही मुलं ही अल्पवयीन होती. म्हणून पब मधील ४० ते ५० लोकांना चौकशीसाठी बोलावलं जात आहे. याप्रकरणात आतापर्यंत मधील २ वरिष्ठ पोलीस आयुक्त आणि २ बिट मार्शलच्या पोलिसांचं निलंबन करण्यात आलं असून आहे. या पुढील अजून तपास सुरू आहे.