पुणे: संपूर्ण देशाचं लक्ष लागलेल्या बारामती लोकसभेत सध्या जोरदार प्रचार सुरू आहे. राष्ट्रवादी काँग्रेस आणि पवारांच्या कुटुंबात पडलेल्या फुटीनंतर होत असलेल्या पहिल्या निवडणुकीत शरद पवार आणि अजित पवारांची प्रतिष्ठा पणाला लागली आहे. शरद पवारांच्या राष्ट्रवादीकडून सुप्रिया सुळे निवडणुकीत रिंगणात आहेत. तर अजित पवारांच्या राष्ट्रवादीकडून सुनेत्रा पवारांना उमेदवारी देण्यात आली आहे. नणंद विरुद्ध भावजय या लढतीला काका विरुद्ध पुतण्या या संघर्षाचीही किनार आहे. बारामतीतल्या दोन तुल्यबळ उमेदवारांना आता निवडणूक विभागाकडून नोटिस बजावण्यात आली आहे.
सुनेत्रा पवार आणि सुप्रिया सुळेंनी निवडणूक विभागाला त्यांच्या प्रचारखर्चाची आकडेवारी दिली. मात्र दोन्ही उमेदवारांनी दिलेले आकड्यांचा ताळमेळ लागत नाही. २४ एप्रिल ते २८ एप्रिल या कालावधीत प्रचारासाठी करण्यात आलेल्या खर्चाची माहिती दोन्ही उमेदवारांनी १ मे रोजी सादर केली. उपमुख्यमंत्री अजित पवारांच्या पत्नी सुनेत्रा यांनी दिलेल्या आकडेवारीत ९ लाख १० हजार रुपयांची तफावत आढळून आली आहे. सुप्रिया सुळेंच्या बाबतीत हाच आकडा १ लाख ३ हजार रुपये आहे.
२४ ते २८ एप्रिल दरम्यान सुनेत्रा पवारांनी निवडणूक प्रचारावर २९ लाख ९३ हजार रुपये खर्च केले. तर याचा कालावधीत सुळेंनी केलेला खर्च ३७ लाख २३ हजार रुपये आहे. दोघांनी दाखल केलेल्या खर्चात तफावत आढळून आली आहे. त्यामुळे निवडणूक आयोगानं दोन्ही उमेदवारांना नोटिस बजावली. शनिवार दुपारपर्यंत दोन्ही उमेदवारांना नोटिशीला उत्तर द्यावं लागलं. अन्यथा तफावतीची रक्कम त्यांच्या निवडणूक खर्चात जोडली जाईल.
सुनेत्रा पवार आणि सुप्रिया सुळेंनी निवडणूक विभागाला त्यांच्या प्रचारखर्चाची आकडेवारी दिली. मात्र दोन्ही उमेदवारांनी दिलेले आकड्यांचा ताळमेळ लागत नाही. २४ एप्रिल ते २८ एप्रिल या कालावधीत प्रचारासाठी करण्यात आलेल्या खर्चाची माहिती दोन्ही उमेदवारांनी १ मे रोजी सादर केली. उपमुख्यमंत्री अजित पवारांच्या पत्नी सुनेत्रा यांनी दिलेल्या आकडेवारीत ९ लाख १० हजार रुपयांची तफावत आढळून आली आहे. सुप्रिया सुळेंच्या बाबतीत हाच आकडा १ लाख ३ हजार रुपये आहे.
२४ ते २८ एप्रिल दरम्यान सुनेत्रा पवारांनी निवडणूक प्रचारावर २९ लाख ९३ हजार रुपये खर्च केले. तर याचा कालावधीत सुळेंनी केलेला खर्च ३७ लाख २३ हजार रुपये आहे. दोघांनी दाखल केलेल्या खर्चात तफावत आढळून आली आहे. त्यामुळे निवडणूक आयोगानं दोन्ही उमेदवारांना नोटिस बजावली. शनिवार दुपारपर्यंत दोन्ही उमेदवारांना नोटिशीला उत्तर द्यावं लागलं. अन्यथा तफावतीची रक्कम त्यांच्या निवडणूक खर्चात जोडली जाईल.
बारामतीच्या रिटर्निंग अधिकारी कविता द्विवेदींनी दोन्ही उमेदवारांना नोटिस पाठवली आहे. दोन्ही उमेदवारांना नोटिशीला उत्तर देण्यासाठी ४८ तासांचा अवधी देण्यात आला आहे. निवडणूक खर्चात तफावत आढळून आल्याबद्दल दोन उमेदवारांना नोटिस बजावण्यात आल्याच्या वृत्ताला पुण्याचे जिल्हाधिकारी सुहास दिवसे यांनी दुजोरा दिला. नोटिशीतील मुद्द्यांबाबत हरकत किंवा आक्षेप असल्यास उमेदवार कमिटीसमोर अपील करु शकतात, असं दिवसेंनी सांगितलं.