काय आहे प्रकरण?
इन्स्टाग्राम इन्फ्लुएन्सर “माऊ” उर्फ मयुरी पवार १५ जून रोजी घरातून कोणालाही काहीच न सांगता निघून गेली होती. तिने घरात लिहून ठेवलेली सुसाईड नोट सापडल्यामुळे कुटुंब भेदरलं होतं. दोन दिवसांपूर्वी कोथरूड येथे तिचं लोकेशन ट्रेस झालं आणि तिचा ठावठिकाणा लागला.
कोण आहे ही तरुणी?
मयुरी चैतन्य मोडक-पवार ही प्रसिद्ध इन्स्टाग्राम रील स्टार आहे. तिला माऊ या नावानेही ओळखलं जातं. ती पुण्यात राहते. इन्स्टाग्रामवर तिचे १.३ मिलियन अर्थात १३ लाखांहूनही जास्त फॉलोअर्स आहेत. फेमस नाही व्हायचं आपल्याला लोकांसाठी फेव्हरेट व्हायचंय, असं कॅप्शन तिने इन्स्टा अकाऊण्टच्या बायोमध्ये लिहिलं आहे. स्वतःची ओळख तिने व्हिडिओ क्रिएटर अशी करुन दिली आहे. मयुरीने ‘दुर्गा ग्रुप’ या नावे एक संस्था सुरु केली आहे. याद्वारे ती कपडे व्यवसाय करते.
त्या दिवशी काय घडलं?
मयुरी पवार १५ जून रोजी संध्याकाळी सात वाजताच्या सुमारास घरात कोणालाही काहीच न सांगता निघून गेली. तिने लिहिलेली सुसाईड नोट घरात सापडताच एकच हलकल्लोळ उडाला. कुटुंबीयांनी तात्काळ विश्रामबाग पोलिसात मयुरी हरवल्याची तक्रार दाखल केली होती.
मंगल दिलीप पवार यांनी मयुरीची मिसिंग तक्रार दिली होती. त्यावरून पोलीस उपनिरीक्षक संतोष मोरे यांनी तपास हाती घेतला. पोलीस शोध घेत होते. त्यानंतर पोलिसांनी मयुरीचा शोध घेतला आणि त्यांना यश आलं. कोथरूड येथे १८ जूनला सायंकाळी तिचं लोकेशन डिटेक्ट झालं.
Pune Reel Star News : सुसाईड नोट लिहून पुण्याची रीलस्टार घराबाहेर पडली, १३ लाख फॉलोअर्सना धाकधूक, अखेर कोथरुडला…
मयुरी घरातून नेमक्या कुठल्या कारणासाठी निघून गेली होती, तिने सुसाईड नोट का लिहिली आणि त्यात काय लिहिलं होतं, याविषयी माहिती उपलब्ध झालेली नाही.