यासंदर्भात प्रतिक्रिया देताना काँग्रेस प्रदेशाध्यक्ष नाना पटोले म्हणाले की, छत्रपती शिवाजी महाराज हे आपले दैवत आहेत पण या दैवताचा सातत्याने अपमान केला जात आहे. तत्कालीन राज्यपाल भगतसिंह कोश्यारी, भापजाचा प्रवक्ता सुधांशु त्रिवेदी, मंत्री मंगल प्रभात लोढा यांच्यासह अनेकांनी महाराजांचा अपमान केला पण भारतीय जनता पक्षाने त्यावर चकार शब्द काढला नाही. अयोध्यातील राम मंदिर उद्घाटन सोहळ्यातही श्री राम जन्मभूमी तीर्थ क्षेत्र ट्रस्टचे कोषाध्यक्ष गोविंदगिरी महाराजांनी नरेंद्र मोदी यांची तुलना छत्रपती शिवाजी महाराज यांच्याशी केली होती. असे प्रकार शिवाजी महाराजांचा अपमान करणारे आहेत, त्याला आळा घातला पाहिजे पण त्यात भरच पडत आहे.
प्रफुल्ल पटेल यांचे पापी हात जिरेटोपाला लागले हे लाजिरवाणे
अंडरवर्ल्ड माफिया दाऊद इब्राहिमचा निकटवर्तीय इकबाल मिर्चीसोबत खासदार प्रफुल्ल पटेल यांनी जमीन व्यवहार केल्याप्रकरणी ईडीकडून चौकशी झाली होती. देशद्रोह्याची संबंध असलेल्या प्रफुल्ल पटेल यांचे पापी हात छत्रपती शिवाजी महाराज यांच्या जिरेटोपला लागले हे लाजिरवाणे आहे. या घटनेचा काँग्रेस पक्ष तीव्र शब्दात निषेध करत आहे, असेही नाना पटोले म्हणाले.
लालकृष्ण अडवाणी, मुरली मनोहर जोशींप्रमाणे मोदींनाही ७५ वर्षानंतर राजकारणातून निवृत्त करणार का? काँग्रेसचा सवाल
प्रफुल पटेल यांच्याकडून मोदींच्या डोक्यावर जिरेटोप
लोकसभा निवडणुकीच्या शेवटच्या टप्प्यात म्हणजेच १ जून रोजी वाराणसीमध्ये मतदान होणार आहे. पंतप्रधान नरेंद्र मोदी हे वाराणसी लोकसभा मतदारसंघामधून निवडणूक लढवत आहेत. मंगळवारी त्यांनी वाराणसीमधून आपला उमेदवारी अर्ज दाखल केला. यावेळी एनडीएतील सर्व घटकपक्षांचे प्रतिनिधी उपस्थित होते. अजित पवार गटाचे नेते प्रफुल्ल पटेल यांनी पंतप्रधान मोदी यांना शिवाजी महाराजांचा जिरेटोप भेट म्हणून दिला. याचा एक व्हिडीओ समोर आल्यानंतर समाज माध्यमांवर उलट सुलट प्रतिक्रिया येत आहेत.