पुणे: पुण्याच्या कल्याणीनगरमधील ड्रिंक अँड ड्राईव्ह प्रकरणाचा राजकीय फटका अजित पवारांच्या राष्ट्रवादी काँग्रेसला बसताना दिसत आहे. अपघातानंतर आरोपीला अटक होताच अजितदादा गटाचे आमदार सुनील टिंगरे पोलीस ठाण्यात पोहोचले. या प्रकरणाला आठवडा उलटूनही पुण्याचे पालकमंत्री असलेले अजित पवार जिल्ह्यात दिसलेच नाही. त्यांच्या या मौनाचा नेमका अर्थ काय? आमदार टिंगरे नेमके कोणाला वाचवताहेत? असे अनेक प्रश्न यावेळी उपस्थित झाले. अजितदादा गट अडचणीत आल्यामुळे टिंगरेंच्या विधानसभा मतदारसंघाचा प्रश्न निकाली निघाल्याची चर्चा राजकीय वर्तुळात सुरु आहे.
भरधाव पोर्शे कारच्या अपघातात दोघांचा जीव गेला. आरोपीला जमावानं मारहाण केली. त्याला पोलिसांच्या ताब्यात दिलं. यानंतर वडगाव शेरीचे आमदार सुनील टिंगरेंनी पोलीस ठाणं गाठलं. पोलीस त्यांचं काम करत असताना टिंगरेंची इतकी धावाधाव कोणासाठी, असा प्रश्न त्यामुळे उपस्थित झाला. अल्पवयीन मुलाचे वडील विशाल अगरवाल यांचा मला फोन आला होता. मुलाच्या कारला अपघात झाल्याचं त्यांनी सांगितलं. त्यामुळे मी पोलीस ठाण्यात गेलो होतो. मी आधी अगरवाल यांच्याकडे कामाला होतो. त्यांच्याशी कौटुंबिक संबंधत असल्याचं टिंगरेंनी सांगितलं. त्यामुळे संशय आणखी वाढला.
आरोपी मद्यधुंद अवस्थेत कार चालवत असल्याचा आरोप आहे. प्रत्यक्षदर्शींनी तसा दावा केलेला आहे. अपघाताआधीच पबमधील सीसीटीव्ही फुटेजदेखील समोर आलेलं आहे. अशा परिस्थितीत रक्ताच्या नमुन्यांची चाचणी आणि तिचा अहवाल महत्त्वाचा होता. मात्र त्यात ससून रुग्णालयाच्या डॉक्टरांनी फेरफार केली. त्यामुळे दोन डॉक्टरांना अटक झाली. त्यातील एक डॉक्टर (डॉ. अजय तावरे) ससूनच्या फॉरेन्सिक लॅबचा प्रमुख आहे. त्याच्या नियुक्तीसाठी टिंगरे यांनीच मंत्री हसन मुश्रीफ यांना शिफारसपत्र दिलं होतं. त्यामुळे टिंगरे यांचा पाय आणखी खोलात गेला आहे.
Pune Car Accident: सगळ्यांना उघडं पाडणार! अटकेनंतर ससूनच्या डॉक्टरची धमकी; पोर्शे प्रकरणात बडे मासे अडकणार?
२०१९ च्या विधानसभा निवडणुकीत टिंगरे एकसंध राष्ट्रवादी काँग्रेसकडून लढले. त्यांनी भाजपचे तत्कालीन आमदार जगदीश मुळीक यांचा जवळपास ५ हजार मतांनी पराभव केला. राष्ट्रवादीत फूट पडल्यानंतर टिंगरे अजित पवारांसोबत राहिले. त्यामुळे विधानसभा निवडणुकीत महायुती राहिली तर वडगाव शेरीची जागा कोणाला मिळणार असा प्रश्न उभा राहिला. पोर्शे अपघात, त्यानंतर अडचणीत सापडलेले टिंगरे यांच्यामुळे तो प्रश्न निकालात निघाल्याची चर्चा आहे.
भरधाव पोर्शे कारच्या अपघातात दोघांचा जीव गेला. आरोपीला जमावानं मारहाण केली. त्याला पोलिसांच्या ताब्यात दिलं. यानंतर वडगाव शेरीचे आमदार सुनील टिंगरेंनी पोलीस ठाणं गाठलं. पोलीस त्यांचं काम करत असताना टिंगरेंची इतकी धावाधाव कोणासाठी, असा प्रश्न त्यामुळे उपस्थित झाला. अल्पवयीन मुलाचे वडील विशाल अगरवाल यांचा मला फोन आला होता. मुलाच्या कारला अपघात झाल्याचं त्यांनी सांगितलं. त्यामुळे मी पोलीस ठाण्यात गेलो होतो. मी आधी अगरवाल यांच्याकडे कामाला होतो. त्यांच्याशी कौटुंबिक संबंधत असल्याचं टिंगरेंनी सांगितलं. त्यामुळे संशय आणखी वाढला.
आरोपी मद्यधुंद अवस्थेत कार चालवत असल्याचा आरोप आहे. प्रत्यक्षदर्शींनी तसा दावा केलेला आहे. अपघाताआधीच पबमधील सीसीटीव्ही फुटेजदेखील समोर आलेलं आहे. अशा परिस्थितीत रक्ताच्या नमुन्यांची चाचणी आणि तिचा अहवाल महत्त्वाचा होता. मात्र त्यात ससून रुग्णालयाच्या डॉक्टरांनी फेरफार केली. त्यामुळे दोन डॉक्टरांना अटक झाली. त्यातील एक डॉक्टर (डॉ. अजय तावरे) ससूनच्या फॉरेन्सिक लॅबचा प्रमुख आहे. त्याच्या नियुक्तीसाठी टिंगरे यांनीच मंत्री हसन मुश्रीफ यांना शिफारसपत्र दिलं होतं. त्यामुळे टिंगरे यांचा पाय आणखी खोलात गेला आहे.
Pune Car Accident: सगळ्यांना उघडं पाडणार! अटकेनंतर ससूनच्या डॉक्टरची धमकी; पोर्शे प्रकरणात बडे मासे अडकणार?२०१९ च्या विधानसभा निवडणुकीत टिंगरे एकसंध राष्ट्रवादी काँग्रेसकडून लढले. त्यांनी भाजपचे तत्कालीन आमदार जगदीश मुळीक यांचा जवळपास ५ हजार मतांनी पराभव केला. राष्ट्रवादीत फूट पडल्यानंतर टिंगरे अजित पवारांसोबत राहिले. त्यामुळे विधानसभा निवडणुकीत महायुती राहिली तर वडगाव शेरीची जागा कोणाला मिळणार असा प्रश्न उभा राहिला. पोर्शे अपघात, त्यानंतर अडचणीत सापडलेले टिंगरे यांच्यामुळे तो प्रश्न निकालात निघाल्याची चर्चा आहे.
पोर्शे प्रकरणात राष्ट्रवादी काँग्रेसची भूमिका संशयास्पद राहिली आहे. टिंगरे यांच्या पोलीस ठाण्यातील उपस्थितीनं अनेक प्रश्न निर्माण झाले. भीषण अपघात होऊन ८ दिवस होऊन गेले तरीही अजित पवार पुण्यात आले नव्हते. टिंगरे लोकप्रतिनिधी असल्यानं तिथे गेले, असा एका ओळीचा खुलासा अजित पवारांनी मुंबईतून केला. पण त्यापलीकडे ते अपघातावर फारसं बोलले नाहीत त्यामुळेच संशय वाढला आहे.