आर्या गिरीश काळे ( रा. सीओईपी हॉस्टेल, पुणे) विनीत अजित सुराणा (रा हिंजेवाडी फेज १ पुणे ) अशी आरोपींची नावं आहेत. शिवाजीनगर पोलीस ठाण्यात या दोघांविरोधात गुन्हा दाखल करण्यात आला आहे.
नेमकं प्रकरण काय?
पोलिसांनी दिलेल्या माहितीनुसार, सीओईपी हॉस्टेल प्रशासनाकडून आम्हाला तक्रार प्राप्त झाल्या प्रमाणे गुन्हा दाखल करण्यात आला आहे. या घटनेची अधिक माहिती अशी की, आर्या आणि गिरीश यांचे प्रेम संबंध होते. त्यामुळे त्यांचं एकमेकांसोबत खूप बोलणं व्हायचं. तसेच, ते स्नॅपचॅट या ॲपचा मोठ्या प्रमाणात वापर करत होते.
चॅट न करता ते एकमेकांना थेट आपण सध्या काय करत आहोत याचे व्हिडिओच काढून पाठवायचे. यादरम्यान, रूममध्ये इतरही मुली राहत असल्याने त्यांचेही फोटो व्हिडिओ चित्रित होत होते. ही गोष्ट रूममध्ये राहणाऱ्या इतर मुलींना समजली आणि त्यांनी थेट हॉस्टेल प्रशासनाला तक्रार दिली. हॉस्टेल प्रशासने याबाबत पोलिसात तक्रार नोंद केली. या सगळ्याचा पूर्ण तपास अजून सुरू आहे.
मोबाईलमध्ये आणखी काय डेटा सापडतो का, याचा शोध सुरू आहे, असं शिवाजीनगर पोलीस स्टेशनचे वरिष्ठ पोलीस निरीक्षक चंद्रशेखर सावंत यांनी सांगितलं आहे.