काय आहे प्रकरण?
मनोहर भिडे उर्फ संभाजी भिडे गुरुजी यांनी स्वातंत्र्याबद्दल केलेलं अपमानास्पद वक्तव्य आणि महिलांबद्दल केलेल्या वादग्रस्त विधानाचे गंभीर पडसाद उमटत आहेत. त्या विरोधात आज काँग्रेसच्या वतीने आंदोलन घेण्यात आलं होतं. या दरम्यान शहर अध्यक्ष अरविंद शिंदे यांनी केलेल्या वक्तव्याने खळबळ उडाली आहे.
काय म्हणाले होते संभाजी भिडे?
आपल्याला जे स्वातंत्र्य 15 ऑगस्टला मिळालं, ते दळभद्री आहे. आपल्याला जमत नाही! हिंदवी स्वातंत्र्य हे खरं स्वातंत्र्य, यासोबतच नट्यांनी आणि ड्रेस घातलेल्या महिलांनी वडाच्या झाडाला फेऱ्या घालू नयेत, असं वक्तव्य भिडे गुरुजींनी केलं होतं. त्यावरुन काँग्रेस शहराध्यक्षांनी संताप व्यक्त केला. त्यांच्यावर गुन्हा दाखल करत अटक करण्याची मागणी अरविंद शिंदे यांनी केली.
Milind Narvekar : शिक्षण दहावी, मालमत्ता कोट्यवधींची, विधानपरिषदेत ट्विस्ट आणणाऱ्या नार्वेकरांची संपत्ती किती?
अरविंद शिंदे धीरज घाटेंबद्दल नेमकं काय म्हणाले?
दरम्यान, राहुल गांधी यांनी हिंदूंचा अपमान केला म्हणून भाजपच्या शहर अध्यक्षांनी शहरभर पोस्टर लावले होते. याबद्दल अरविंद शिंदे यांना प्रश्न विचारण्यात आला होता. त्यावर अरविंद शिंदे म्हणाले, “भाजप अध्यक्ष स्वतः पोलीस संरक्षण घेऊन फिरत असतो. ते मर्डर त्याचा करणार होते, त्याला विचारा, तुझं वागणं काय आहे? नंतर फिर, तू फिरु शकतोस का एकटा असा? तू नाही फिरू शकत. कधी तू मरशील हे माहित नाही. कारण तुझी कर्मच तशी आहेत. जशी कर्म करणार तसं भोगावं लागतं”