पुण्याला शिक्षणाची मातृभूमी म्हणतात येथे अनेक उच्च शिक्षण संस्था आहेत. त्यामुळे लोक आपल्या मुलांना वैद्यक, अभियांत्रिकी आणि एमबीए शिकण्यासाठी पुण्याला पाठवतात. उत्तर प्रदेश, मध्य प्रदेश, राजस्थान, गुजरात, ओरिसा आदी राज्यांतील तरुणांची संख्या येथे शिकणाऱ्या किंवा नोकरी करणाऱ्यांची संख्या जास्त आहे. हे तरुण वसतिगृहात किंवा खासगी फ्लॅटमध्ये भाड्याने राहतात. त्यांची संख्या अधिक आहे.
राहणीमानाच्या व्यतिरिक्त पुणे शहर सुरक्षिततेच्या दृष्टीनेही सुरक्षित मानले जाते. आतापर्यंत लोकांना पुण्याची चिंता नव्हती. पण कल्याणीनगर कार अपघातानंतर पब आणि बारचे आयुष्यही समोर आले आहे. यामुळेच त्यांना मुलांची काळजी वाटू लागली आहे. परराज्यात अथवा जिल्ह्यात राहून आपल्या मुलाला सुरक्षित कसे ठेवायचे? असा प्रश्न पालकांना पडला आहे. त्यामुळे काही पालकांनी गुप्तहेरांची मदत घेण्यास सुरुवात केली. पुण्यातील सुप्रसिद्ध खासगी गुप्तहेर प्रिया काकडे यांनी या प्रकरणी दुजोरा दिला आहे की, आतापर्यंत देशातील विविध राज्यांमधून सुमारे ४० जणांनी त्यांच्याशी संपर्क साधला आहे.
मुलांच्या हट्टीपणामुळे पालक मुलांना हवे ते देऊ लागले. त्यांचा लाड करू लागले. मात्र या चंगळवादामुळे मुलांमध्ये मूल्य-संस्कार याचे महत्व कमी झाले. याचा महत्त्वाचा परिणाम म्हणजे इतरांबद्दलची सन्मानाची भावना कमी झाली. प्रत्येक गोष्ट पैशाने विकत घेतली जाते, अशा खोट्या समजुतीमुळे विद्यार्थ्यांचे अतोनात नुकसान व्हायला सुरुवात झाली. पुण्यातील पोर्श अपघातानंतर मात्र असे प्रकरण थेट पालकांपर्यंत येत असून त्यांच्याविरोधात देखील खटला दाखल होत असल्याने अनेक पालकांनी धसका घेतला आहे.
Pune Porsche Crash : अल्पवयीन आरोपीचे ब्लड सॅम्पल कचऱ्यात फेकले नाहीत, डॉ. तावरेची कबुली, ‘त्या’ महिलेकडे नमुना?
मुलांच्या पराक्रमाचे व्हिडिओ पाठवण्यास सांगितले जाते
प्रिया यांनी सांगितले की ज्यांची मुले पुण्यात शिकत आहेत. त्या पालकांना आता जास्त काळजी वाटत आहे. मुलांच्या घराबाहेरील हालचालींवर लक्ष ठेवण्यास सांगितले आहे. त्यांचा मुलगा किंवा मुलगी बाहेर कशी वागत अथवा जगत आहे? हे पालक त्यांना व्हिडीओ कॉन्फरन्सिंगद्वारे विचारतात. तो नीट अभ्यास करतो की नाही? तो व्यसनाधीन झाला आहे का? दारू अथवा ड्रग्ज घेत आहे का? दारू पिऊन गाडी चालवत तर नाही ना? ही माहिती त्यांच्यापर्यंत पोहोचवावी. शक्य असल्यास, त्यांच्या मुलांचे व्हिडिओ देखील त्यांच्यासोबत शेअर करावे असा आग्रह पालक धरत आहेत.Pune Car Accident: मुलगी १५ फूट हवेत उडाली, आरोपी नशेत; जमावातला एक जण ओरडला; प्रत्यक्षदर्शीनं घटनाक्रम सांगितला
उदाहरणादाखल इंदूरमधील एका जोडप्याला त्यांचा मुलगा नीट बोलत नसल्याने संशय वाढला. पालक म्हणतात की जेव्हा ते आपल्या मुलाला फोन करतात तेव्हा तो व्यस्त असल्याचे कारण सांगतो. मित्रांकडे चौकशी केली असता ते सांगतात की आम्ही आता त्याच्या संपर्कात जास्त नसतो, त्यामुळे शेवटी त्यांनी खाजगी गुप्तहेरांची मदत घेण्यासाठी फोन केला.
नुकताच सुरू झाला तपास
गुप्तहेर प्रिया यांनी सांगितले की, गुजरात, राजस्थान, मध्य प्रदेश, उत्तर प्रदेश, तसेच महाराष्ट्रातील जिल्ह्यामधून अनेक पालकांनी अशी चौकशी केली आहे. यामध्ये मुलींबद्दलची विचारणा अधिक आहे. काहींनी तर गरज पडल्यास मुलांना कॉलेजमधून काढून परत बोलावू, असेही सांगितले. आतापर्यंतच्या तपासात काय समोर आले? याला उत्तर देताना काकडे म्हणाल्या की, आपण आताच तपास सुरू केला आहे. मुलं खरंच शिकत आहेत की चुकीच्या संगतीत पडून व्यसनाधीन झाले आहेत, हे काही दिवसात कळेल.