प्रशिक्षणार्थी असतानाच वरिष्ठ अधिकाऱ्याच्या चेंबरवर ताबा मिळवण्याचा प्रयत्न केल्याचा आरोप त्यांच्यावर आहे आणि याचा अहवालही थेट वरिष्ठांना पाठवण्यात आला, परिणामी पूजा खेडकर यांची पुण्यातून परिवीक्षाधीन असतानाच उचलबांगडी करण्याची वेळ आली.
काय आहे प्रकरण?
पुणे जिल्ह्यात परिवीक्षाधीन सहाय्यक जिल्हाधिकारी म्हणून रूजू झालेल्या पूजा खेडकर यांची अखेर उचलबांगडी करण्यात आली. वाशिम जिल्ह्यामध्ये त्यांची बदली करण्यात आलीय. कोणत्याही आयएएस, आयपीएस अधिकाऱ्याला दोन वर्षांचा प्रोबेशनचा कार्यकाळ पूर्ण करावा लागतो. या काळात संबंधित अधिकाऱ्यांना विविध विभागांमध्ये काम करावं लागतं. त्यानंतर कामाचा अनुभव आल्यानंतर प्रत्यक्ष नियुक्ती केली जाते. याप्रमाणेच IAS असलेल्या डॉ. पूजा दिलीप खेडकर यांना ३ जून २०२४ पासून पुण्यातील जिल्हाधिरी कार्यालयात परिवीक्षाधीन सहायक जिल्हाधिकारी म्हणून पाठवण्यात आलं होतं. पण तिथे नियुक्ती मिळाल्यानंतर घडलं ते वेगळंच होतं.
जिल्हाधिकाऱ्यांनी पाठवलेल्या अहवालात नेमकं काय?
पुण्याचे जिल्हाधिकारी सुहास दिवसे यांनी मुख्य अप्पर सचिवांना २५ पानी अहवाल पाठवला
अधिकाऱ्याचे अँटी चेंबर बळकावल्यापासून ते खासगी गाडीवर अंबर दिवा आणि महाराष्ट्र शासन लिहिले असल्याचा उल्लेख
पूजा खेडकर यांची प्रशिक्षणासाठी दुसऱ्या जिल्ह्यात नियुक्ती करावी
पूजा यांच्या वडिलांची वर्तवणूक चुकीची असल्याचे व्हॉट्सअप चॅटचे फोटो जोडले
पूजा खेडकर यांची वर्तवणूक सनदी अधिकाऱ्याला अशोभनीय असल्याचा ठपका
सनदी अधिकारी कुटुंबाचा वारसाच लाभलेल्या पूजा खेडकर यांची गेल्या वर्षीच आयएएस म्हणून निवड झालीय..
डॉ. पूजा खेडकर कोण आहेत?
पूजा या २०२३ बॅचच्या आयएएस अधिकारी
गेल्या जून महिन्यात प्रशिक्षणार्थी म्हणून पुणे जिल्ह्यात नियुक्ती
अहमदनगर जिल्ह्यातील पाथर्डी येथील माजी सनदी अधिकारी दिलीप खेडकर यांच्या कन्या
त्यांचे आजोबा (आईचे वडील) जगन्नाथराव बुधवंत हे माजी आयएएस अधिकारी
वडील दिलीप खेडकर हे प्रदूषण विभागाचे निवृत्त आयुक्त
निवृत्तीनंतर वंचितच्या पाठिंब्यावर दिलीप खेडकर अहमदनगर दक्षिणमधून यंदाची लोकसभा निवडणूक लढले
आई डॉ. मनोरमा खेडकर या पाथर्डी तालुक्यातील भालगावच्या लोकनियुक्त सरपंच
Tejas Thackeray Dance VIDEO | ये लडकी हाय अल्लाह… निसर्गात रमणारे तेजस ठाकरे अनंत-राधिका संगीत सोहळ्यात कसे?
एका मोठ्या कुटुंबातील असलेल्या पूजा खेडकर यांच्यावरील या आरोपांमुळे अधिकारी वर्गाच्याही भुवया उंचावल्या. कारण, थेट आयएएस असलेल्या अधिकाऱ्याबाबत अशी घटना आणि तेही पुण्यात समोर आल्याने त्याची चर्चा होणं स्वाभाविक आहे.