राजीव कुमार असे मृत झालेल्या व्यक्तीचे नाव असून मंजित कुमार गंभीर जखमी असून बेशुद्ध आहे. तर बंडू विधाटे, विजय गायकवाड, सतीश कानगुडे अशी जखमी झालेल्या व्यक्तीची नावे आहेत.
अचानक भिंत कोसळली, कामासाठी आलेल्या कामगाराचा मृत्यू
याबाबत अधिक माहिती अशी की, शिरूर तालुकायत डिंग्रजवाडी येथे असलेल्या आय टी डब्ल्यु कंपनी जवळ आज सकाळी ८ वाजून ४६ मिनिटांच्या सुमारास कंपनीची भिंत कोसळली. कंपनीची भिंत पडल्याने कामासाठी आलेले कामगार भिंतीखाली दबले गेले आहेत. यात एका कामगाराचा जागीच मृत्यू झाला, तर एक गंभीर जखमी झाला. तसेच, इतर तीन जण जखमी झाले आहेत. त्यातील दोघांची प्रकृती गंभीर असल्याची माहिती मिळत आहे. या दुर्घटनेत ९ दुचाकी गाड्या तर दोन सायकली आणि दोन चारचाकी गाड्यांचे मोठे नुकसान झाले.
मृत कामगार परप्रांतीय
या घटनेचा पंचनामा पोलिसांकडून केला जात आहे. या घटनेचं सीसीटीव्ही फुटेजही समोर आलं असून त्यात भिंत कोसळल्याचं पाहायला मिळत आहे. या घटनेत मृत झालेला कामगार आणि जखमी झालेले कामगार परप्रांतीय असल्याची माहिती समोर येत आहे.