मुंबई: भारतीय जनता पक्षाचे नेते मोहित कंबोज यांनी शुक्रवारी सोशल मीडियावर केलेल्या पोस्टने राजकीय वर्तुळात विविध चर्चा सुरू आहेत. मुंबई महानगरपालिकेतील एका अतिरिक्त आयुक्तांचा संदर्भ देत सरकार अडचणीत येईल, अशी भीती यात व्यक्त केली आहे. त्यामुळे मुख्यमंत्री एकनाथ शिंदे यांनी याप्रकरणी लक्ष घालण्याची मागणी करतानाच लवकरच या अधिकाऱ्याचे नाव आणि त्यांच्या विरोधातील पुरावे जाहीर करणार असल्याचा दावा कंबोज यांनी यावेळी केला आहे. त्यामुळे पालिकेतील हे अतिरिक्त आयुक्त कोण? याबाबत दिवसभर चर्चेला उधाण आले होते. तर कंबोज यांच्यासह भाजप आमदार प्रसाद लाड यांनीही याप्रकरणी कारवाई करण्याची मागणी केल्याने कंबोज यांचा हा आरोप राजकीयदृष्ट्या केला गेला असल्याची कुजबूज सुरु झाली आहे.
भाजपचे नेते मोहित कंबोज यांनी शुक्रवारी सोशल मीडियावर एक पोस्ट केली. ज्यात त्यांनी मुख्यमंत्री एकनाथ शिंदे यांचा उल्लेख करताना लक्ष देण्याची मागणी यावेळी केली. या पोस्टमध्ये मोहित कंबोज म्हणतात की, मुंबई महानगरपालिकेतील एक अतिरिक्त आयुक्त भ्रष्टाचाराचे सगळे रेकार्ड तोडत आहे. या एका अधिकाऱ्यामुळे तुमचे सरकार अडचणीत येईल, याला तात्काळ नोटीस द्या, या अधिकाऱ्याचा भ्रष्टाचार पराकोटीला गेला असून त्या भ्रष्ट अधिकाऱ्याचे नाव पुराव्यासह उघड करणार असल्याचे त्यांनी या पोस्टमध्ये नमूद केले आहे.मोहित कंबोज यांच्या या पोस्टवर प्रतिक्रिया देताना भाजप आमदार प्रसाद लाड म्हणाले की, काही ठिकाणी काही अधिकारी सरकारपेक्षा मोठे समजायला लागतात. तेव्हा लोकप्रतिनिधी म्हणून तेव्हाच त्यांचा गळा गोठला पाहिजे, या मानसिकतेतून आम्ही काम करतो. ज्या अधिकाऱ्याबद्दल मी पोस्ट केली आहे. त्याबद्दल मी पालिका आयुक्तांशी चर्चा केली आहे. मुख्यमंत्री कार्यालयात इक्बाल चहल यांच्याशीसुद्धा चर्चा केली आहे. यावर तात्काळ कारवाई करण्याची मागणी आम्ही केली असल्याचे प्रसाद लाड यांनी यावेळी नमूद केले.
भाजपचे नेते मोहित कंबोज यांनी शुक्रवारी सोशल मीडियावर एक पोस्ट केली. ज्यात त्यांनी मुख्यमंत्री एकनाथ शिंदे यांचा उल्लेख करताना लक्ष देण्याची मागणी यावेळी केली. या पोस्टमध्ये मोहित कंबोज म्हणतात की, मुंबई महानगरपालिकेतील एक अतिरिक्त आयुक्त भ्रष्टाचाराचे सगळे रेकार्ड तोडत आहे. या एका अधिकाऱ्यामुळे तुमचे सरकार अडचणीत येईल, याला तात्काळ नोटीस द्या, या अधिकाऱ्याचा भ्रष्टाचार पराकोटीला गेला असून त्या भ्रष्ट अधिकाऱ्याचे नाव पुराव्यासह उघड करणार असल्याचे त्यांनी या पोस्टमध्ये नमूद केले आहे.मोहित कंबोज यांच्या या पोस्टवर प्रतिक्रिया देताना भाजप आमदार प्रसाद लाड म्हणाले की, काही ठिकाणी काही अधिकारी सरकारपेक्षा मोठे समजायला लागतात. तेव्हा लोकप्रतिनिधी म्हणून तेव्हाच त्यांचा गळा गोठला पाहिजे, या मानसिकतेतून आम्ही काम करतो. ज्या अधिकाऱ्याबद्दल मी पोस्ट केली आहे. त्याबद्दल मी पालिका आयुक्तांशी चर्चा केली आहे. मुख्यमंत्री कार्यालयात इक्बाल चहल यांच्याशीसुद्धा चर्चा केली आहे. यावर तात्काळ कारवाई करण्याची मागणी आम्ही केली असल्याचे प्रसाद लाड यांनी यावेळी नमूद केले.
मोहित कंबोज यांच्या या आरोपानंतर मुंबई काँग्रेसचे अध्यक्षा वर्षा गायकवाड यांनीही मुख्यमंत्री एकनाथ शिंदे यांनी उत्तर दिले पाहिजे. मुंबईची जी लूट सुरु आहे, त्यासाठी भारतीय जनता पक्ष आणि मुख्यमंत्री एकनाथ शिंदे हे जबाबदार असल्याची टीका वर्षा गायकवाड यांनी शुक्रवारी केली. तर कंबोज यांच्या या पोस्टनंतर मुंबई महानगरपालिकेसह मंत्रालयात दिवसभर चर्चेला उधाण आले होते. पालिकेतील हा अधिकारी कोण? याबाबत उत्सुकता आता शिगेला पोहचली आहे. तर या आरोपाच्या माध्यमातून भाजप कोणाला लक्ष करु पाहत आहेत, अशी चर्चाही दिवसभर राजकीय वर्तुळात सुरु होती. दरम्यान, कंबोज यांनी एक्सवर केलेली ही पोस्ट शुक्रवारी संध्याकाळी डिलीट केली असली तरी फेसबुकवर मात्र ही पोस्ट कायम होती.