मुंबई: महाराष्ट्र भोळाभाबडा आहे. पण तो लेचापेचा नाही. कोणी प्रेमानं आलिंगन दिलं तर महाराष्ट्र प्रेम करतो. पण पाठीवर वार केला तर महाराष्ट्र वाघनखं काढतो. मी जिथे जिथे जातो, तिथे तिथे ती वाघनखं मला जनतेच्या रुपात दिसताहेत. आता महाराष्ट्रानं वाघनखं काढलेली आहेत, अशा शब्दांत उद्धव ठाकरेंनी सत्ताधाऱ्यांना अप्रत्यक्ष इशारा दिला आहे.
सामना दिलेल्या मुलाखतीत उद्धव ठाकरेंनी विविध विषयांवर सविस्तर भाष्य केलं. त्यावेळी त्यांनी २०१४ मधील आठवण सांगितली. २०१४ साली मोदींच्या पंतप्रधानपदाला भाजप व्यतिरिक्त पाठिंबा देण्याचं पहिलं पाप कोणी केलं असेल तर ते शिवसेनेनं केलंय, असं म्हणत ठाकरेंनी अप्रत्यक्षपणे त्यांच्या हातून घडलेल्या चुकीची कबुलीच दिली.
आम्ही त्यावेळी मोदींना पाठिंबा दिला, ते पाप होतं. कारण आता ते आम्हाला संपवायला निघाले आहेत. मोदी पंतप्रधानपदाची शपथ घेताहेत. मी समोर बसलोय, माझ्या शेजारी अमित शहा बसले होते. आधी हे सगळं स्वप्नवत वाटत होतं. साधारणत: जून महिन्यात मोदींचा शपथविधी झाला. ऑक्टोबरच्या विधानसभा निवडणुकीत चार ते पाच महिन्यांत असं कोणतं पाप आम्ही केलं होतं? की भाजपनं शिवसेनेशी युती तोडली. तेव्हा तर आम्ही काँग्रससोबत गेलो नव्हतो. तेव्हा यांच्या मानेवर बसलेला जो औरंगजेब आहे, त्या औरंगजेब फॅन क्लबमध्ये नव्हतो. मग तुम्ही माझी युती २०१४ साली का तोडलीत, असा सवाल ठाकरेंनी उपस्थित केला.
सामना दिलेल्या मुलाखतीत उद्धव ठाकरेंनी विविध विषयांवर सविस्तर भाष्य केलं. त्यावेळी त्यांनी २०१४ मधील आठवण सांगितली. २०१४ साली मोदींच्या पंतप्रधानपदाला भाजप व्यतिरिक्त पाठिंबा देण्याचं पहिलं पाप कोणी केलं असेल तर ते शिवसेनेनं केलंय, असं म्हणत ठाकरेंनी अप्रत्यक्षपणे त्यांच्या हातून घडलेल्या चुकीची कबुलीच दिली.
आम्ही त्यावेळी मोदींना पाठिंबा दिला, ते पाप होतं. कारण आता ते आम्हाला संपवायला निघाले आहेत. मोदी पंतप्रधानपदाची शपथ घेताहेत. मी समोर बसलोय, माझ्या शेजारी अमित शहा बसले होते. आधी हे सगळं स्वप्नवत वाटत होतं. साधारणत: जून महिन्यात मोदींचा शपथविधी झाला. ऑक्टोबरच्या विधानसभा निवडणुकीत चार ते पाच महिन्यांत असं कोणतं पाप आम्ही केलं होतं? की भाजपनं शिवसेनेशी युती तोडली. तेव्हा तर आम्ही काँग्रससोबत गेलो नव्हतो. तेव्हा यांच्या मानेवर बसलेला जो औरंगजेब आहे, त्या औरंगजेब फॅन क्लबमध्ये नव्हतो. मग तुम्ही माझी युती २०१४ साली का तोडलीत, असा सवाल ठाकरेंनी उपस्थित केला.
एकनाथ खडसे यांनीदेखील युती तोडण्यावर भाष्य केलं होतं. युती तोडण्याचा निरोप तुम्ही कळवा, अशा सूचना त्यांना वरुन देण्यात आल्या होत्या. मी तुळजाभवानीचं दर्शन घेऊन आलो, त्याच दिवशी संध्याकाळी एकनाथ खडसेंचा फोन आला की उद्धवजी, आता आपली युती काही राहात नाही. आम्ही हा निर्णय घेतलाय. आपल्याला कळवायला सांगितलंय की आम्ही युती तोडतोय. त्यावेळी भाजपनं युती का तोडली होती?, असा प्रश्न ठाकरेंनी विचारला.