पश्चिम रेल्वेवरील लोकल वाहतूक विस्कळीत झाली आहे. बोरीवली रेल्वे स्टेशनवर केबल तुटल्यामुळे वाहतूक १५ ते २० मिनिटं उशिराने सुरु आहे. जलद मार्गावरील बोरीवलीहून चर्चगेटच्या दिशेने धावणाऱ्या गाड्या उशिराने धावत आहेत.
गाड्या १५-२० मिनटे उशिराने धावत असल्याने प्रवाशांचे हाल झाल्याचं पाहायला मिळत आहे. केबल तुटल्याने बोरिवली रेल्वे स्थानकातील फलाट क्रमांक १ आणि २ वरील सेवा ठप्प झाली आहे. आठवड्याच्या पहिल्याच दिवशी मुंबईकरांना मनस्तापाचा सामना करावा लागत आहे. दरम्यान, बोरिवली स्थानकातील प्लॅटफॉर्म क्रमांक ३, ४, ५, ६, ७ आणि ८ वरून गाड्या धावत आहेत.
Pre Monsoon Rain Mumbai : मुंबईला मान्सूनपूर्व सरींची प्रतीक्षाच; मध्य महाराष्ट्रात यलो अलर्ट, मेघगर्जनेसह पावसाचा इशाराRead Latest Maharashtra News Updates And Marathi News
दुसरीकडे, ठाणे रेल्वे स्थानकात गेल्या तीन दिवसांपासून सुरू असलेले प्लॅटफॉर्म क्रमांक पाचच्या विस्तारीकरणाचे काम रविवारी दुपारी १ वाजता पूर्ण होऊन पहिली कसारा लोकल कल्याण दिशेकडे मार्गस्थ झाली. शुक्रवारी मध्यरात्रीपासून या कामामध्ये कार्यरत कामगार आणि मेगाब्लॉकमुळे गेल्या तीन दिवसांपासून गैरसोयीचा सामना करणाऱ्या प्रवाशांनी सुटकेचा नि:श्वास सोडला. ठाणे रेल्वे स्थानकाचे २ ते ३ मीटरपर्यंत रुंदीकरण पूर्ण झाले असून अत्यंत कमी वेळात प्लॅटफॉर्म रुंदीकरणाचे काम युद्धपातळीवर पूर्ण करून मध्य रेल्वेने एक ऐतिहासिक कामगिरीची नोंद केली आहे.
ठाणे रेल्वे स्थानकाच्या प्लॅटफॉर्म रुंदीकरणासाठी मध्य रेल्वेकडून ६३ तासांचा मेगाब्लॉक घेतला होता. गुरुवार मध्यरात्रीपासून रेल्वे रूळ सरकवण्याचे काम सुरू करण्यात आल्यानंतर या ब्लॉकला सुरुवात झाली होती. ३००हून अधिक उपनगरीय आणि मेल गाड्या धावणारा हा फलाट वाहतुकीसाठी बंद करण्यात आल्यामुळे अनेक लोकल आणि मेलगाड्या रद्द करण्याबरोबरच पर्यायी मार्गांवर वळवण्या आल्या होत्या. यासाठी घेण्यात आलेल्या मेगाब्लॉकचा नागरिकांना प्रचंड मनस्ताप झाला असला तरी त्यामुळे निर्माण होणाऱ्या सुविधेचा दिलासा प्रवाशांना सोमवारपासून अनुभवता येणार आहे