बीड लोकसभेच्या अत्यंत अटीतटीच्या झालेल्या लढतीत महायुतीच्या उमेदवार पंकजा मुंडे यांचा महाविकास आघाडीचे उमेदवार बजरंग सोनवणे यांनी सहा हजार ५८५ मतांनी पराभव केला. संपूर्ण राज्याचे लक्ष लागलेल्या बीडच्या लढतीचा निकाल हाती आल्यानंतर सोनवणे समर्थकांनी एकच जल्लोष केला.
रात्री उशिरापर्यंत अंतिम मतमोजणीचे आकडेवारी जाहीर करण्याचे काम सुरू होते. पंकजा मुंडे यांचा बजरंग सोनवणे यांच्याकडून झालेल्या पराभवानंतर महायुतीच्या कार्यकर्त्यांत निराशा दिसून आली. या निवडणुकीच्या मतमोजणीत काही रंजक बाबी समोर आल्या. अपक्ष उमेदवार अशोक थोरात यांनी पिपाणी या त्यांना मिळालेल्या चिन्हावर तब्बल ५४ हजार मते मिळवली.
बीड लोकसभा मतदारसंघात दोन वेळ खासदार राहिलेल्या प्रीतम मुंडे यांच्या ऐवजी या वेळी भाजपने पंकजा मुंडे यांना रिंगणात उतरवले. बीड लोकसभा मतदारसंघात आधीपासूनच मराठा आरक्षण आंदोलनाची धग जाणवत होती. निकालावरून मराठा आंदोलनाचा प्रभाव दिसून आला. बजरंग सोनवणे यांची तुतारी वाजणार की भारतीय जनता पक्षाचा बालेकिल्ला अशी ओळख असलेल्या बीड लोकसभेत पंकजा मुंडेचे कमळ पुन्हा फुलणार, याकडे सर्वांचे लक्ष लागले होते. मात्र पंकजा मुंडेना मात देऊन बजरंग सोनवणे विजयी झाले.
Kirit Somaiya : आम्ही बांगलादेशींमुळे हरलो, आकडे दाखवत ठाकरेंच्या सेनेवर घाव, सोमय्यांचा रडीचा डावRead Latest Maharashtra News Updates And Marathi News
उदयनराजे काय म्हणाले होते?
‘पंकजा तुमची मुलगी, बहीण आहे. तिला मतदान करायचे नाही, तर कोणाला करायचे? माझी भगिनी पंकजा मुंडेला आता संधी मिळाली आहे. तिला भरघोस मतदान करून विजयी करा. स्थिर सरकार सत्तेवर असते, त्या वेळीच आपल्या भागाचा विकास होत असतो. तुम्ही सर्व जण सज्ञान आहात, तुम्हाला मताचा अधिकार आहे. त्यामुळे कृपा करून माझी भगिनी पंकजाला निवडून द्या; अन्यथा मी राजीनामा देतो आणि पंकजाला तिकडून निवडून आणतो,’ असे सांगून छत्रपती उदयनराजे महाराज भोसलेंनी 11 मे रोजी कडा येथील सभेत मतदारांना पंकजा मुंडे यांना निवडून देण्याचे आवाहन करत भावनिक साद घातली होती.