पुणे: पुणे पोर्शे प्रकरणातील मुख्य आरोपीला वाचवण्यासाठी रक्ताच्या चाचण्यांमध्ये फेरफार करणाऱ्या ससूनच्या २ डॉक्टरांना पोलिसांनी काल अटक केली. अल्पवयीन आरोपीला वाचवण्यासाठी त्याच्या वडिलांनी ससूनच्या डॉक्टरांना फोन केला. त्यानंतर डॉक्टरांनी रक्ताच्या चाचण्यांचे अहवाल बदलले. पोलीस तपासातून ही संपूर्ण माहिती उघडकीस आली आहे.
पुणे पोलिसांनी या प्रकरणात डॉ. अजय तावरे आणि डॉ. श्रीहरी हळनोरला अटक केली आहे. तावरे ससूनच्या फॉरेन्सिक लॅबचा प्रमुख आहे. तावरे आणि हळनोरनं रक्त चाचण्यांच्या अहवालात फेरफार करण्यासाठी ३ लाख रुपये घेतले होते. ही रक्कम त्यांना अतुल घटकांबळे नावाच्या शिपायानं आणून दिली होती. अल्पवयीन आरोपीच्या बापानं म्हणजेच बांधकाम व्यावसायिक विशाल अगरवालनं ही रक्कम घटकांबळेकडे दिली होती, अशी माहिती एनडीटीव्ही सुत्रांच्या हवाल्यानं दिली आहे.
अपघात झाला त्याच दिवशी अगरवाल आणि तावरेचा फोनवरुन संवाद झाला होता. त्यावेळी अगरवालनं डॉक्टरला पैशांची ऑफर दिली होती, अशी माहिती पोलिसांनी दिली. डॉ. तावरेनं अल्पवयीन मुलाच्या रक्ताचे नमुने बदलले. याशिवाय कोणतीही चाचणी न घेता क्लीन चिट दिली. या प्रकरणात अटक झाल्यानंतर तावरेनं धमकीवजा इशारा दिला. मी शांत बसणार नाही. मी सगळ्यांना उघडं पाडणार, असं तावरे पोलिसांच्या अटकेत असताना म्हणाला. त्यामुळे आता या प्रकरणात तावरे कोणाकोणाची नावं घेणार याकडे सगळ्यांचं लक्ष लागलं आहे.
पुणे पोलिसांनी या प्रकरणात डॉ. अजय तावरे आणि डॉ. श्रीहरी हळनोरला अटक केली आहे. तावरे ससूनच्या फॉरेन्सिक लॅबचा प्रमुख आहे. तावरे आणि हळनोरनं रक्त चाचण्यांच्या अहवालात फेरफार करण्यासाठी ३ लाख रुपये घेतले होते. ही रक्कम त्यांना अतुल घटकांबळे नावाच्या शिपायानं आणून दिली होती. अल्पवयीन आरोपीच्या बापानं म्हणजेच बांधकाम व्यावसायिक विशाल अगरवालनं ही रक्कम घटकांबळेकडे दिली होती, अशी माहिती एनडीटीव्ही सुत्रांच्या हवाल्यानं दिली आहे.
अपघात झाला त्याच दिवशी अगरवाल आणि तावरेचा फोनवरुन संवाद झाला होता. त्यावेळी अगरवालनं डॉक्टरला पैशांची ऑफर दिली होती, अशी माहिती पोलिसांनी दिली. डॉ. तावरेनं अल्पवयीन मुलाच्या रक्ताचे नमुने बदलले. याशिवाय कोणतीही चाचणी न घेता क्लीन चिट दिली. या प्रकरणात अटक झाल्यानंतर तावरेनं धमकीवजा इशारा दिला. मी शांत बसणार नाही. मी सगळ्यांना उघडं पाडणार, असं तावरे पोलिसांच्या अटकेत असताना म्हणाला. त्यामुळे आता या प्रकरणात तावरे कोणाकोणाची नावं घेणार याकडे सगळ्यांचं लक्ष लागलं आहे.
ससूनमध्ये रक्ताच्या नमुन्यांची फेरफार कशी झाली, याची माहिती काल पुणे पोलीस आयुक्त अमितेश कुमार यांनी दिली. ‘१९ मेच्या सकाळी ११ वाजता आरोपीच्या रक्ताचे नमुने ससूनमध्ये नेण्यात आले. ते तिथल्या डॉक्टरांनी कचऱ्याच्या डब्यात टाकले. त्यानंतर आणखी एका व्यक्तीच्या रक्ताचे नमुने घेण्यात आले. मग ते फॉरेन्सिक लॅबला पाठवण्यात आले. फॉरेन्सिकचे प्रमुख असलेल्या डॉ. तावरेंच्या सूचनेवरुन मुख्य वैद्यकीय अधिकारी डॉ. श्रीहरी हळनोर यांनी त्यात फेरफार केले अशी माहिती आमच्या तपासातून उघडकीस आली,’ असा घटनाक्रम कुमार यांनी सांगितला.