मुंबई: मुंबईतील हिट अँड रन प्रकरणातील आरोपी मिहीर शहाचा शोध पोलिसांकडून सुरु आहे. वरळीतील ऍट्रिया मॉलजवळ पहाटे साडे पाच वाजता शहा चालवत असलेल्या कारनं एका दुचाकीला घडक दिली. त्यात दुचाकीवरील महिलेचा मृत्यू झाला असून तिचा पती जखमी झाला. पोलिसांनी मिहीरचा शोध सुरु केला आहे. मिहीर हा शिंदेसेनेचे उपनेते राजेश शहांचा मुलगा आहे. राजेश शहा आणि त्यांच्या चालकाला पोलिसांनी ताब्यात घेतलं आहे.
वरळीतील ऍट्रिया मॉलजवळ पहाटे साडे पाचला बीएमडब्ल्यू कारनं दुचाकीला धडक दिली. या दुचाकीवर नाखवा दाम्पत्य होतं. ससून डॉकवरुन मासे खरेदी करुन ते घरी परतत होते. यावेळी वरळीत त्यांच्या दुचाकीला कारनं मागून धडक दिली. दोघेही जण कारच्या बोनेटवर पडले. पतीनं प्रसंगावधान राखत बाजूला उडी मारली. ते जखमी झाले. सुदैवानं त्यांचा जीव वाचला. पण त्यांच्या पत्नी कावेरी नाखवा सुदैवी नव्हत्या. त्यांना बाजूला उडी मारण्याची संधीच मिळाली नाही. चालकानं त्यांना ४ किलोमीटर फरफटत नेलं. कारखाली चिरडल्यानं त्यांचा मृत्यू झाला.
कार चालवत असलेला मिहीर शहा अपघातानंतर फरार झाला. तो गोरेगावात त्याच्या एका मैत्रिणीकडे गेला. तिथे तो सकाळी आठपर्यंत थांबला. त्यानंतर तो तिथून निघाला. वांद्र्यात असलेल्या एका मित्राकडे जातो, असं त्यानं मैत्रिणीला सांगितलं. त्यानंतर त्यानं त्याचा मोबाईल ऑफ केला. पोलिसांनी मिहीरच्या मैत्रिणीला चौकशीसाठी बोलावलं आहे. पोलिसांचं एक पथक मिहीरच्या मित्राच्या घराच्या दिशेनं रवाना झालं आहे. वाहतूक पोलीस आणि फॉरेन्सिकचं पथक कारच्या तपासणीसाठी थोड्याच वेळात पोहोचणार आहे.
मुंबईत हिट अँड रन; वरळीत कारनं दाम्पत्याला उडवलं, फरफटत नेलं, महिलेचा मृत्यू
मिहीर शहाचे वडील राजेश शहा शिंदेसेनेत उपनेते आहेत. त्यांचे मुख्यमंत्री एकनाथ शिंदेंसह अन्य मोठ्या नेत्यांसोबत फोटो आहेत. त्यामुळे त्यांचे राजकीय संपर्क उत्तम असल्याचं समजतं. पोलिसांनी राजेश शहांना चौकशीसाठी ताब्यात घेतलं आहे. त्यांच्या चालकाचीही चौकशी करण्यात आली आहे. कारच्या विंडशील्डच्या डाव्या बाजूला धनुष्यबाणाचं चिन्ह आहे. पण अपघातानंतर ते पुसण्याचा प्रयत्न झाल्याचं दिसत आहे. अपघातावेळी कार मिहीर शहा चालवत असल्याचा जबाब जखमीनं दिला आहे. तर राजेश शहांनी कार त्यांचा चालक चालवत होता, असा दावा केला आहे.
वरळीतील ऍट्रिया मॉलजवळ पहाटे साडे पाचला बीएमडब्ल्यू कारनं दुचाकीला धडक दिली. या दुचाकीवर नाखवा दाम्पत्य होतं. ससून डॉकवरुन मासे खरेदी करुन ते घरी परतत होते. यावेळी वरळीत त्यांच्या दुचाकीला कारनं मागून धडक दिली. दोघेही जण कारच्या बोनेटवर पडले. पतीनं प्रसंगावधान राखत बाजूला उडी मारली. ते जखमी झाले. सुदैवानं त्यांचा जीव वाचला. पण त्यांच्या पत्नी कावेरी नाखवा सुदैवी नव्हत्या. त्यांना बाजूला उडी मारण्याची संधीच मिळाली नाही. चालकानं त्यांना ४ किलोमीटर फरफटत नेलं. कारखाली चिरडल्यानं त्यांचा मृत्यू झाला.
कार चालवत असलेला मिहीर शहा अपघातानंतर फरार झाला. तो गोरेगावात त्याच्या एका मैत्रिणीकडे गेला. तिथे तो सकाळी आठपर्यंत थांबला. त्यानंतर तो तिथून निघाला. वांद्र्यात असलेल्या एका मित्राकडे जातो, असं त्यानं मैत्रिणीला सांगितलं. त्यानंतर त्यानं त्याचा मोबाईल ऑफ केला. पोलिसांनी मिहीरच्या मैत्रिणीला चौकशीसाठी बोलावलं आहे. पोलिसांचं एक पथक मिहीरच्या मित्राच्या घराच्या दिशेनं रवाना झालं आहे. वाहतूक पोलीस आणि फॉरेन्सिकचं पथक कारच्या तपासणीसाठी थोड्याच वेळात पोहोचणार आहे.
मुंबईत हिट अँड रन; वरळीत कारनं दाम्पत्याला उडवलं, फरफटत नेलं, महिलेचा मृत्यूमिहीर शहाचे वडील राजेश शहा शिंदेसेनेत उपनेते आहेत. त्यांचे मुख्यमंत्री एकनाथ शिंदेंसह अन्य मोठ्या नेत्यांसोबत फोटो आहेत. त्यामुळे त्यांचे राजकीय संपर्क उत्तम असल्याचं समजतं. पोलिसांनी राजेश शहांना चौकशीसाठी ताब्यात घेतलं आहे. त्यांच्या चालकाचीही चौकशी करण्यात आली आहे. कारच्या विंडशील्डच्या डाव्या बाजूला धनुष्यबाणाचं चिन्ह आहे. पण अपघातानंतर ते पुसण्याचा प्रयत्न झाल्याचं दिसत आहे. अपघातावेळी कार मिहीर शहा चालवत असल्याचा जबाब जखमीनं दिला आहे. तर राजेश शहांनी कार त्यांचा चालक चालवत होता, असा दावा केला आहे.