मुंबई/पुणे: लोकसभा निवडणुकीआधी महाराष्ट्र नवनिर्माण सेनेला जय महाराष्ट्र करुन वंचितकडून निवडणूक लढवलेले वसंत मोरे आज शिवसेना उबाठाचे प्रमुख उद्धव ठाकरे यांची भेट घेणार आहेत. ते दुपारी १२.३० वाजता मातोश्रीवर पोहोचतील. वसंत मोरे ठाकरेसेनेत प्रवेश करण्यासाठी उत्सुक आहेत. विधानसभा निवडणुकीच्या तोंडावर त्यांचा पक्षप्रवेश होऊ शकतो.
मनसेनं लोकसभा निवडणूक न लढवण्याची भूमिका घेतल्यानंतर वसंत मोरेंनी पक्षाला रामराम केला. राज ठाकरेंना दंडवत घालणारा फोटो शेअर करत मोरेंनी पक्ष सोडला. त्यानंतर ते महाविकास आघाडीकडून लोकसभा निवडणूक लढवण्यास उत्सुक होते. त्यांनी ठाकरेसेनेचे खासदार संजय राऊत यांची भेट घेतली होती. पण विषय पुढे सरकला नाही. महाविकास आघाडीत पुण्याची जागा काँग्रेसकडे होती. ही जागा काँग्रेसच्या रविंद्र धंगेकरांनी लढवली.
महाविकास आघाडीकडून तिकीट मिळणार नसल्याचं लक्षात येताच वसंत मोरेंनी वंचितचा पर्याय निवडला. प्रकाश आंबेडकरांच्या पक्षाकडून त्यांनी लोकसभा लढवली. पण त्यांना केवळ ३२ हजार १२ मतं मिळाली. त्यामुळे मोरे नाराज झाले. आता त्यांनी विधानसभा निवडणुकीच्या दृष्टीनं तयारी सुरु केली आहे. ते ठाकरेसेनेत प्रवेश करण्यासाठी इच्छुक आहेत. त्याच अनुषंगानं आज ते उद्धव ठाकरेंची भेट घेतील.
भाजपची स्ट्रॅटर्जी वापरुन शिंदेंचा नवा डाव, मोठ्या भावाच्या जागांवर घाव, महायुतीत ठिणगी?
वसंत मोरे आज दुपारी १२.३० वाजता उद्धव ठाकरेंची भेट घेतील. त्यावेळी ठाकरेसेनेचे उपनेते साजन पाचपुते, खासदार संजय राऊत उपस्थित असतील. विधानसभा निवडणुकीच्या दृष्टीकोनातून ठाकरेसेनेनं पक्षविस्ताराकडे अधिक लक्ष केंद्रित केलं आहे. पुण्यात ठाकरेसेनेचं फारसं प्राबल्य नाही. त्यामुळे मोरेंच्या माध्यमातून ठाकरेसेनेला पुण्यात एक चांगला चेहरा मिळू शकतो. त्याचा फायदा पक्षाला विधानसभा निवडणुकीत होऊ शकतो. आजच्या बैठकीत मोरेंच्या पक्षप्रवेशाचा मुहूर्त ठरण्याची दाट शक्यता आहे.
मनसेनं लोकसभा निवडणूक न लढवण्याची भूमिका घेतल्यानंतर वसंत मोरेंनी पक्षाला रामराम केला. राज ठाकरेंना दंडवत घालणारा फोटो शेअर करत मोरेंनी पक्ष सोडला. त्यानंतर ते महाविकास आघाडीकडून लोकसभा निवडणूक लढवण्यास उत्सुक होते. त्यांनी ठाकरेसेनेचे खासदार संजय राऊत यांची भेट घेतली होती. पण विषय पुढे सरकला नाही. महाविकास आघाडीत पुण्याची जागा काँग्रेसकडे होती. ही जागा काँग्रेसच्या रविंद्र धंगेकरांनी लढवली.
महाविकास आघाडीकडून तिकीट मिळणार नसल्याचं लक्षात येताच वसंत मोरेंनी वंचितचा पर्याय निवडला. प्रकाश आंबेडकरांच्या पक्षाकडून त्यांनी लोकसभा लढवली. पण त्यांना केवळ ३२ हजार १२ मतं मिळाली. त्यामुळे मोरे नाराज झाले. आता त्यांनी विधानसभा निवडणुकीच्या दृष्टीनं तयारी सुरु केली आहे. ते ठाकरेसेनेत प्रवेश करण्यासाठी इच्छुक आहेत. त्याच अनुषंगानं आज ते उद्धव ठाकरेंची भेट घेतील.
भाजपची स्ट्रॅटर्जी वापरुन शिंदेंचा नवा डाव, मोठ्या भावाच्या जागांवर घाव, महायुतीत ठिणगी?वसंत मोरे आज दुपारी १२.३० वाजता उद्धव ठाकरेंची भेट घेतील. त्यावेळी ठाकरेसेनेचे उपनेते साजन पाचपुते, खासदार संजय राऊत उपस्थित असतील. विधानसभा निवडणुकीच्या दृष्टीकोनातून ठाकरेसेनेनं पक्षविस्ताराकडे अधिक लक्ष केंद्रित केलं आहे. पुण्यात ठाकरेसेनेचं फारसं प्राबल्य नाही. त्यामुळे मोरेंच्या माध्यमातून ठाकरेसेनेला पुण्यात एक चांगला चेहरा मिळू शकतो. त्याचा फायदा पक्षाला विधानसभा निवडणुकीत होऊ शकतो. आजच्या बैठकीत मोरेंच्या पक्षप्रवेशाचा मुहूर्त ठरण्याची दाट शक्यता आहे.