अन् गड्याने माझे पाय धरले!
काही दिवसांपूर्वी राष्ट्रवादीचे आमदार अण्णा बनसोडे यांच्या मुलीचा विवाह पार पडला. त्यावेळी मावळचे शिवसेनेचे उमेदवार श्रीरंग बारणे यांच्याविरोधी असणारे सध्याचे ठाकरे गटाचे उमेदवार संजोग वाघेरे माझ्यावर लक्ष ठेवूनच उभे होते. मी स्टेजवर गेलो अन गड्याने पाय धरले. फोटो काढला अन दादांनी आशीर्वाद दिले, असा प्रचार त्यांनी सुरू केला, असे अजित पवार यांनी सांगत आपल्याला बारणेंनाच निवडून आणयचे आहे, असे आवाहन त्यांनी मावळच्या मतदारांना केले.
त्या चर्चेत अजिबात तथ्य नाही!
त्याचवेळी मी शब्दाचा पक्का आहे. एकदा शब्द दिला की कोणाच्या बापाचं ऐकत नाही. मी मॅच फिक्सिंग करत नाही. असे सांगत आपल्यासंदर्भाने होणाऱ्या चर्चेत काहीही तथ्य नसल्याचे अजित पवार यांनी अप्रत्यक्षणे सांगितले. महायुतीचे उमेदवार श्रीरंग बारणे यांच्या प्रचारार्थ मावळ तालुक्यातील कामशेत येथे सभेचे आयोजन करून करण्यात आले होते. त्यावेळी अजित पवार यांनी महाविकास आघाडीचे उमेदवार संजोग वाघेरे यांच्यावर टोलेबाजी केली.
ज्यांच्या प्रचाराला, त्यांचंच नाव विसरला गोविंदा; भाजपच्या खापरेंकडून आठवण, बारणेंचा चेहरा पडला
कार्यकर्त्यांनो कामात हयगय करायची नाही, अजितदादांचा इशारा
यावेळी अजित पवार म्हणाले की, “आपल्या मावळ तालुक्यात स्काय वॉक करायचा आहे. त्यासाठी मोठा निधी देण्यात आला आहे. मी कामाचा माणूस आहे. मला आळशीपणा आवडत नाही. विकासकामे करायची आहेत. मावळ तालुक्याला एका उंचीवर न्यायचे आहे”.
“मला माझ्या कार्यकर्त्यांना एकच सांगणे आहे. नावे घेतली नाहीत म्हणून रूसू नका. मी सगळ्यांची नावे घेतली असे समजून काम करायचे आहे. कामात हायगय करायची नाही. मी मॅच फिक्सिंग करत नाही. एकदा शब्द दिला की मी कुणाचेही ऐकत नाही. विरोधी उमेदवाराने अण्णा बनसोडे यांच्या मुलीच्या लग्नात मी आलो होतो, तेव्हा तो उमेदवार लक्ष ठेवून होते. मी समोर आल्यावर थेट माझे पाय धरले आणि आशीर्वाद घेतला” असे अजित पवार यांनी सांगितले.