नेमका मिहीर पोलिसांना कसा सापडला?
मुंबईतील वरळी येथील हिट अँड रन प्रकरणात तिसऱ्या दिवशी पोलिसांना मोठे यश मिळाले आहे. पोलिसांनी मुख्य आरोपी मिहीर शहाला विरार येथून अटक केली आहे. मिहीर शाहनेच एका महिलेला आपल्या कारने धडक दिली होती. या अपघातात महिलेचा मृत्यू झाला होता. अपघातानंतर मिहीर शाह फरार झाला होता. मिहीर शाहला अटक करण्यासाठी मुंबई पोलिसांनी १४ पथके तयार केली होती. तब्बल ६० तास पोलीस त्याचा शोध घेत होते. पोलिसांनी त्याला ताब्यात घेतले आहे.
त्या १५ मिनिटांनी मिहीरचा खेळ संपवला
घटनेनंतर मिहीरने पळ काढला होता. त्याचा पोलीस शोध घेत होते. तो आधी त्याच्या मित्रांसोबत शहापूर येथील एका रिसोर्टमध्ये थांबला होता. त्याने मोबाईल बंद ठेवल्याने त्याचा शोध लागत नव्हता. मात्र या काळात मिहीर त्याच्या मित्रांच्या मोबाईलवरून अनेकांच्या संपर्कात होता. त्यानंतर अचानक मिहिर कोणालाही न कळवता विरारला पोहचला. या दरम्यान त्याच्या एका मित्राने मिहिरचा बंद मोबाईल पुन्हा सुरू केला. यातच डाव फसला.
मिहीरचा मोबाईल १५ मिनीटांसाठी चालू केला होता. यामुळे त्याचे लोकेशन पोलिसांना कळलं. यावरुन पोलिसांनी त्वरीत कारवाई करत लोकशनच्या ठिकाणी धाड टाकली. वरळी पोलिसांच्या बोरिवलीमध्ये असलेल्या एका पथकाने विरारच्या लोकेशनवर धाव घेतली. तेथून मिहीरला अटक करण्यात आली आहे. तर अन्य १२ जणांना शहापूरमधून अटक केली आहे.
मुंबईतील वरळी परिसरात ७ जुलै रोजी पहाटे हीट अँड रन अपघात झाला होता. कार मिहीर शहा चालवत होता आणि त्याच्या शेजारी चालक राजऋषी बिदावत बसला होता. कारने दुचाकीला धडक दिल्यानंतर दुचाकीस्वार रस्त्यावर पडला. मात्र मयत महिला कारच्या बोनेटवर पडली. मिहीरने तिला काही अंतरापर्यंत ओढत नेले. नंतर तेथून निघून गेला. मिहीर शाह आणि त्याचा चालक बिदावत यांनी कार काही किलोमीटर अंतरावर टाकून पळ काढला होता.