मोबाइल फोडण्याची धमकी
जागेवरून वादावादी करणाऱ्यांचे व्हिडीओ चित्रीकरण सुरू केल्यास टोळक्याकडून मोबाइल फोडण्याची धमकी दिली जाते. त्यांनी एक दोघांचे फोन फोडल्याचे प्रवासी सांगत आहेत. मात्र, त्यांची दहशत एवढी आहे, की कोणीही काहीही करीत नाही. डब्यात रेल्वे सुरक्षा दलाचे पोलिस नसल्यामुळे सर्वसामान्य प्रवासी गप्प राहून त्रास सहन करीत आहेत. याकडे रेल्वे प्रशासनाने लक्ष द्यावे, अशी मागणी सतत हा अनुभव घेणाऱ्या एका ज्येष्ठ प्रवाशाने केली आहे.
वेळेमुळे डेक्कन क्वीनला पसंती
डेक्कन क्वीन पूर्वी पूर्ण आरक्षित गाडी होती; पण अलीकडे या गाडीला दोन अनारक्षित डबे देण्यात आले आहेत. पुण्यातून सिंहगड एक्स्प्रेस सकाळी सहा वाजून पाच मिनिटांनी निघते. त्यानंतर सव्वासातला डेक्कन क्वीन निघते. सिंहगड एक्स्प्रेस मुंबईला सकाळी दहा वाजून पाच मिनिटांनी पोहोचते. डेक्कन क्वीन सकाळी साडेदहाला पोहोचते. त्यामुळे अनेक जण डेक्कन क्वीनला पसंती देतात. दोन डब्यांत २१६ अनारक्षित सीट आहेत. मात्र, तिकीट काढणाऱ्यांची संख्या ३०० ते ४०० आहे. त्यामुळे डब्यामध्ये गर्दी होते. त्यावरून वादावादीचे प्रसंग घडत आहेत.
रेल्वे प्रशासनाने अनारक्षित डब्यातील सीट एवढीच तिकीट विक्री करावी. डेक्कन क्वीनच्या तिकीट विक्रीसाठी स्वतंत्र खिडकी सुरू करावी. वाद होऊ नये म्हणून रेल्वे सुरक्षा दलाचे जवान गाडीत तैनात करावेत.
– हर्षा शहा, चेअरमन, रेल्वे प्रवासी ग्रुप