मुंबई: लोकसभा निवडणुकीवेळी महायुतीचं जागावाटप बरंच रखडलं. त्याचा फटका सत्ताधाऱ्यांना लोकसभेत बसला. मिशन ४५ हाती घेणाऱ्या महायुतीला केवळ १७ जागा मिळाल्या. आता विधानसभा निवडणुकीतही महायुतीत जागावाटपावरुन जोरदार रस्सीखेच पाहायला मिळू शकते. शिंदेसेना विधानसभेच्या १२६ जागा लढवण्याच्या तयारीत आहे. लोकसभेला भाजपपेक्षा अधिक स्ट्राईक रेट राखणाऱ्या शिंदेसेनेनं विधानसभेच्या जागावाटपाआधी आक्रमक पवित्रा घेतला आहे.
शिंदेसेनेनं विधानसभेच्या १२६ जागांसाठी निरीक्षकांची नियुक्ती केली आहे. त्याशिवाय दर तीन विधानसभा मतदारसंघांमागे एक प्रभारी देण्यात आला आहे. शिंदेसेनेनं १२६ जागा लढवण्याची तयारी केली आहे. मुंबईतील १७ जागांवर शिंदेसेनेनं लक्ष केंद्रित केलं आहे. शिवसेनेत दोन वर्षांपूर्वी अभूतपूर्व फूट पडली. एकनाथ शिंदेंनी बंड केलं. त्यात त्यांना ४० आमदारांनी साथ दिली. मुंबईत एकसंध शिवसेनेचे १४ आमदार होते. त्यातील ६ जण शिंदेंसोबत गेले. आता याच आमदारांचा आकडा वाढवण्याचा आणि ठाकरेंना मुंबईत धक्का देण्याचा शिंदेंचा प्रयत्न आहे.
मुंबईत विधानसभेच्या एकूण ३६ जागा येतात. पैकी १७ जागांसाठी शिंदेसेना आग्रही आहेत. भारतीय जनता पक्ष आणि अजित पवारांच्या राष्ट्रवादी काँग्रेसच्या जागांवर आपण दावा करायचा नाही. त्यावर बोलायचंही नाही, अशी भूमिका एकनाथ शिंदेंनी घेतली आहे. तशा सूचनादेखील त्यांनी पक्षाच्या नेत्यांना दिल्या आहेत. राज्य सरकारच्या योजना जास्तीत जास्त लोकांपर्यंत पोहोचवा, सदस्य नोंदणीवर भर द्या, अशा सूचनाही शिंदेंनी केल्या आहेत.
शिंदेसेनेनं विधानसभेच्या १२६ जागांसाठी निरीक्षकांची नियुक्ती केली आहे. त्याशिवाय दर तीन विधानसभा मतदारसंघांमागे एक प्रभारी देण्यात आला आहे. शिंदेसेनेनं १२६ जागा लढवण्याची तयारी केली आहे. मुंबईतील १७ जागांवर शिंदेसेनेनं लक्ष केंद्रित केलं आहे. शिवसेनेत दोन वर्षांपूर्वी अभूतपूर्व फूट पडली. एकनाथ शिंदेंनी बंड केलं. त्यात त्यांना ४० आमदारांनी साथ दिली. मुंबईत एकसंध शिवसेनेचे १४ आमदार होते. त्यातील ६ जण शिंदेंसोबत गेले. आता याच आमदारांचा आकडा वाढवण्याचा आणि ठाकरेंना मुंबईत धक्का देण्याचा शिंदेंचा प्रयत्न आहे.
मुंबईत विधानसभेच्या एकूण ३६ जागा येतात. पैकी १७ जागांसाठी शिंदेसेना आग्रही आहेत. भारतीय जनता पक्ष आणि अजित पवारांच्या राष्ट्रवादी काँग्रेसच्या जागांवर आपण दावा करायचा नाही. त्यावर बोलायचंही नाही, अशी भूमिका एकनाथ शिंदेंनी घेतली आहे. तशा सूचनादेखील त्यांनी पक्षाच्या नेत्यांना दिल्या आहेत. राज्य सरकारच्या योजना जास्तीत जास्त लोकांपर्यंत पोहोचवा, सदस्य नोंदणीवर भर द्या, अशा सूचनाही शिंदेंनी केल्या आहेत.
मुंबईतील १७ जागांसाठी शिंदेसेनेनं मोर्चेबांधणी केली आहे. त्यात भायखळा, वरळी, शिवडी, जोगेश्वरी पूर्व, दिंडोशी, चेंबूर, अणुशक्ती नगर, माहीम, धारावी, भांडूप पश्चिम, विक्रोळी, कुर्ला, अंधेरी पूर्व, मालाड पश्चिम, मागाठाणे, चांदिवली, कलिना या जागांचा समावेश आहे. विशेष म्हणजे या १७ जागांपैकी १५ जागांवर शिंदेसेनेचा मुकाबला ठाकरेसेनेशी होऊ शकतो. कारण धारावी, मालाड पश्चिमेचा वगळता बाकीच्या सर्व १५ जागांसाठी ठाकरेसेना आग्रही आहे. महाविकास आघाडीत असलेल्या ठाकरेसेनेनं त्यासाठी तयारीही सुरु केली आहे. ठाकरेसेना मुंबईतील ३६ पैकी २५ जागा लढवण्यासाठी मोर्चेबांधणी करत आहे.