काही दिवस दोघं अॅपद्वारे एकमेकांच्या संपर्कात होते आणि नंतर दोघांनी फोन नंबर एक्सचेंज केले. दोघं फोनवर, व्हॉट्सअॅपवर बोलू लागले. २५ एप्रिल रोजी त्या व्यक्तीने योगा शिक्षिकेला एक गिफ्ट पाठवलं असल्याचं सांगितलं. ते रिसिव्ह करावं असं त्याने सांगितलं.
काही दिवसांनी दिल्लीतील एका कुरिअर कंपनीची एजेंट असल्याचा दावा करणाऱ्या एका महिलेने योगा शिक्षिकेला कॉल केला. त्या महिलेने कॉलवर तुझ्यासाठी मॅनचेस्टरवरुन गिफ्ट आल्याचं सांगितलं. गिफ्ट पाठवण्यासाठी काही औपचारिकता कराव्या लागतील आणि त्यासाठी पैसे भरावे लागतील. त्यानंतर योगा शिक्षिकेने कॉलवर महिलेला सांगितलेल्या विविध खात्यांवर ३.३६ लाख रुपये पाठवले.
त्यानंतर महिलेने टिंडरवर भेटलेल्या व्यक्तीला संपर्क केला. पण कोणतीही प्रतिक्रिया मिळाली नाही. त्यानंतर महिलेला आपली फसवणूक झाल्याचं समजलं. महिलेने मरीन ड्राइव्ह पोलिसांशी संपर्क करत याबाबत तक्रार दाखल केली. पोलिसांनी तक्रारीच्या आधारे टिंडरवरील व्यक्ती आणि फोन करणाऱ्याविरुद्ध तपास सुरू केला आहे.
दरम्यान, आतापर्यंत अनेक ऑनलाइन फ्रॉडच्या घटना समोर आल्या आहेत. अनेकांची सोशल मीडियाद्वारे फसवणूक करण्यात आली असून यातून कित्येकांना लाखोंचा फटका बसला आहे.