जयंत पाटलांना नवे नेते डावलतायत, त्यांच्या मनात… दादा गटातील आमदार सुनील शेळकेंचा आरोप

प्रशांत श्रीमंदिलकर, मावळ, पुणे : “जयंत पाटील साहेबांसारखे ज्येष्ठ आणि अभ्यासू व्यक्तिमत्व हे राष्ट्रवादी काँग्रेस पक्षामध्ये आहे, याचे आम्हाला समाधान आहे. पण त्यांच्या मनामध्ये काही नक्कीच आहे. पक्षामध्ये त्यांना सारखं सारखं डावलल जाणं, त्यांना पक्षातून बाजूला ठेवणं हे पक्षातील काही नवीन नेते करू पहात आहेत. जयंत पाटील साहेबांना हेच सांगणे आहे. राज्याचे अभ्यासू नेते म्हणून आम्ही तुमच्याकडे पाहतो. आम्हाला आपल्याकडून खूप साऱ्या अपेक्षा आहेत” अशी प्रतिक्रिया अजित पवार यांच्या राष्ट्रवादीतील मावळचे आमदार सुनील शेळके यांनी दिली आहे.

तळेगाव दाभाडे येथे सुनील शेळके यांनी माध्यमांशी बोलताना ही प्रतिक्रिया दिली आहे.

यावेळी सुनील शेळके म्हणाले की, सुनेत्रा पवार यांची खासदारपदी निवड होणे हे सर्व वरिष्ठ नेत्यांच्या प्रयत्नांना आलेले यश आहे. तसेच सुनेत्रा पवार यांच्या राज्यमंत्री पदाबाबत पक्षातील वरिष्ठ नेते निर्णय घेतील, त्यावर मी अधिक बोलणार नसल्याचे शेळके यांनी सांगितले.
Raj Thackeray Birthday : राज ठाकरेंच्या वाढदिवशी मनसे कार्यकर्त्यांचा जल्लोष, शिवतीर्थाबाहेर केक कापला
राष्ट्रवादी काँग्रेस शरदचंद्र पवार पक्षाच्या युवक अध्यक्ष पदासाठी दिवंगत नेते आर आर पाटील यांचे चिरंजीव रोहित पाटील यांना युवक अध्यक्ष करण्यासाठी आग्रही होते. मात्र प्रदेशाध्यक्ष जयंत पाटील यांचे जवळचे असलेले मेहबूब शेख यांची नेमणूक कायम ठेवल्याने आमदार रोहित पवार आणि जयंत पाटील यांच्यातील सुप्त संघर्ष पहायला मिळत आहे.
Shinde Government : मलाही मोकळं करा, शिंदे सरकारमधील मंत्र्याकडून फडणवीसांचा कित्ताRead Latest Maharashtra News Updates And Marathi News

त्यातच जयंत पाटील यांनी आपण काही दिवसांसाठीच प्रदेशाध्यक्ष राहणार असल्याचे सांगितले होते. त्यावर विरोधकांनी म्हणजे अजित पवार गटातील नेत्यांनी आपल्याकडे येण्याची विनंती केली आहे. जयंत पाटील यांच्याकडून आम्हाला खूप अपेक्षा असल्याचे शेळके म्हणालेत.