मुलाच्या जन्मपत्रिकेत दोष असून नोकरीत त्याला यश मिळू शकत नाही. नोकरीऐवजी त्याने व्यवसाय करावा, असा सल्ला देत या ज्योतिषाने तिला एका हॉटेलमध्ये गुंतवणूक करण्यास सांगितले. या हॉटेलमध्ये अनेकांनी गुंतवणूक केली असून चांगला फायदा होईल, असे सांगितले. महिलेने काही रक्कम हॉटेलमध्ये गुंतविले.
जवळपास सहा वर्षे ही महिला त्या ज्योतिषाच्या संपर्कात होती. या सहा वर्षाच्या कालावधीत वेगवेगळी कारणे सांगून त्याने महिलेकडून सुमारे ५२ लाखाची रोख रक्कम आणि २३ तोळे सोन्याचे दागिने घेतले. हॉटेलमधील अन्य गुंतवणूकदारांनी पैसे परत मागितले असून त्यांनी आत्महत्या करण्याची धमकी दिल्याची माहिती ज्योतिषाने दिली.
आणखी पैसे देण्यास नकार दिला म्हणून महिलेला तिच्या आणि मुलाच्या मृत्यूची भीती दाखवली. महिलेने दागिने परत मागितले असता त्याने उडवाउडवीची उत्तरे दिली. अधिक खोलात जाऊन माहिती घेतली असता ज्योतिषाने आपल्या साथीदारांच्या मदतीने दागिने गहाण ठेवून कर्ज घेतल्याचे उघड झाले. फसवणूक झाल्याचे लक्षात आल्यावर महिलेने बोरिवली पोलिस ठाण्यात तक्रार केली.
म. टा. खास प्रतिनिधी, मुंबई : बोरिवली येथील महिलेला ज्योतिषाने मुलाच्या मृत्यूची तसेच व्यवसायातील गुंतवणूकदारांच्या आत्महत्येची धमकी देऊन सुमारे ५२ लाखांची रोख रक्कम आणि तितक्याच किमतीचे सोन्याचे दागिने हडप केले. याप्रकरणी ज्योतिषी आणि त्याच्या पाच साथीदारांविरुद्ध बोरिवली पोलिस ठाण्यात गुन्हा दाखल करण्यात आला आहे.बोरिवली येथील एका महिलेने ज्योतिष विद्या शिकण्यासाठी इगतपुरी येथे शिकवणी लावली. याठिकाणी ज्योतिषी सर्वांना शिकवत होते. हे ज्योतिषी मुलांच्या जन्मपत्रिका पाहून भविष्य सांगत असल्याने सर्वसामान्य नागरिकांची त्यांच्याकडे कायम गर्दी असते. काही दिवसांनी या ज्योतिषाने मिरा रोड येथे कार्यालय सुरू करून सल्ले देण्यास सुरुवात केली. या महिलेनेही मुलाची पत्रिका या ज्योतिषाकडे दाखवली.