राजलक्ष्मी पुजारे, कल्याण : नोकरीवरुन उल्हासनगर येथील घरी परतणाऱ्या पद्मनन्ना पिरांन्ना पुजारी या ५५ वर्षीय प्रवाशाचा विठ्ठलवाडी- उल्हासनगर दरम्यान लोकलच्या गर्दीतून पडल्याने उपचारा दरम्यान मृत्यू झाल्याची दुर्दैवी घटना घडली आहे. दुसऱ्या घटनेत आईबरोबर लोकलने प्रवास करताना दरवाजात उभे राहून प्रवास करणाऱ्या सुनील चव्हाण या २४ वर्षीय तरुणाला ठाकुर्ली डोंबिवली दरम्यान खांबाची धडक बसल्याने दुर्दैवी मृत्यू झाला. तर तिसऱ्या घटनेत दिवा आणि कोपर दरम्यान रेल्वे रूळ ओलांडताना एका ५३ वर्षीय व्यक्तीचा मृत्यू झाला असून त्यांची ओळख पटवण्याचे काम सुरु असून याप्रकरणी कल्याण आणि डोंबिवली रेल्वे पोलिसात अपघाताची नोंद करण्यात आली आहे.
पद्मन्ना पुजारी ५५ हे मुंबईत कामाला होते. दररोज उल्हासनगरमधून रेल्वेने प्रवास करणाऱ्या पद्मन्ना शुक्रवारी संध्याकाळी नेहमीप्रमाणे लोकलमधून प्रवास करत होते. लोकलने कल्याण स्टेशन सोडल्यानंतर संध्याकाळी ७.४५ दरम्यान उल्हासनगरमध्ये उतरण्यासाठी ते लोकलच्या दरवाजात थांबलेले. मात्र त्यावेळी मागून आलेल्या रेट्यामुळे त्यांचा तोल गेल्याने विठ्ठलवाडी आणि उल्हासनगर दरम्यान ते लोकलमधून खाली फेकले गेले. या अपघातात गंभीर जखमी झालेल्या पद्मन्ना यांना रेल्वे पोलिसांनी तातडीने उपचारासाठी उल्हासनगरमधील सेन्ट्रल रुग्णालयात दाखल केलं. यानंतर त्यांच्या मुलाने त्याना चांगले उपचार मिळावेत म्हणून खाजगी रुग्णालयात नेण्याचा निर्णय घेतला मात्र रुग्णालयात पोचण्याआधीच त्यांचा मृत्यू झाल्याचं पोलिसांनी सांगितलं.
रात्री कुटुंबासोबत जेवला, पहाटे लेकाला पाहून आईने हंबरडा फोडला; ह्रदयद्रावक घटनेनं परिसर हादरला
तर सुनील चव्हाण हा भिवंडीत राहणारा तरुण आईबरोबर मुंबईत नातेवाईकांकडे जात होता. कल्याणमधून दुपारी १.३० वाजता लोकलमधून प्रवास करताना तो लोकलच्या दरवाजात उभा होता. ठाकुर्ली – डोंबिवली दरम्यान एका खांबावर त्याचं डोकं आदळल्याने तो लोकलमधून खाली कोसळला. रेल्वे पोलिसांनी त्याला उपचारासाठी दाखल केलं होतं. ही घटना सोमवारी १३ मे रोजी घडली होती. त्याच्यावर खाजगी रुग्णालयात उपचार सुरू असताना शुक्रवारी त्याचा मृत्यू झाल्याचं रेल्वे पोलिसांनी सांगितलं.
पद्मन्ना पुजारी ५५ हे मुंबईत कामाला होते. दररोज उल्हासनगरमधून रेल्वेने प्रवास करणाऱ्या पद्मन्ना शुक्रवारी संध्याकाळी नेहमीप्रमाणे लोकलमधून प्रवास करत होते. लोकलने कल्याण स्टेशन सोडल्यानंतर संध्याकाळी ७.४५ दरम्यान उल्हासनगरमध्ये उतरण्यासाठी ते लोकलच्या दरवाजात थांबलेले. मात्र त्यावेळी मागून आलेल्या रेट्यामुळे त्यांचा तोल गेल्याने विठ्ठलवाडी आणि उल्हासनगर दरम्यान ते लोकलमधून खाली फेकले गेले. या अपघातात गंभीर जखमी झालेल्या पद्मन्ना यांना रेल्वे पोलिसांनी तातडीने उपचारासाठी उल्हासनगरमधील सेन्ट्रल रुग्णालयात दाखल केलं. यानंतर त्यांच्या मुलाने त्याना चांगले उपचार मिळावेत म्हणून खाजगी रुग्णालयात नेण्याचा निर्णय घेतला मात्र रुग्णालयात पोचण्याआधीच त्यांचा मृत्यू झाल्याचं पोलिसांनी सांगितलं.
रात्री कुटुंबासोबत जेवला, पहाटे लेकाला पाहून आईने हंबरडा फोडला; ह्रदयद्रावक घटनेनं परिसर हादरलातर सुनील चव्हाण हा भिवंडीत राहणारा तरुण आईबरोबर मुंबईत नातेवाईकांकडे जात होता. कल्याणमधून दुपारी १.३० वाजता लोकलमधून प्रवास करताना तो लोकलच्या दरवाजात उभा होता. ठाकुर्ली – डोंबिवली दरम्यान एका खांबावर त्याचं डोकं आदळल्याने तो लोकलमधून खाली कोसळला. रेल्वे पोलिसांनी त्याला उपचारासाठी दाखल केलं होतं. ही घटना सोमवारी १३ मे रोजी घडली होती. त्याच्यावर खाजगी रुग्णालयात उपचार सुरू असताना शुक्रवारी त्याचा मृत्यू झाल्याचं रेल्वे पोलिसांनी सांगितलं.
तर तिसऱ्या घटनेत दिवा आणि कोपर रेल्वे स्थानकादरम्यान स्थानिक नागरिक रेल्वे रूळ ओलांडण्याचा प्रयत्न करत असताना अज्ञात लोकलने दिलेल्या धडकेत त्यांचा मृत्यू झाल्याची घटना रात्री ८.४५ च्या सुमारास घडली. या व्यक्तीच्या वारसांचा शोध सुरू असल्याचं पोलसांनी सांगितलं.