अधिक माहितीनुसार, मृत रुद्र हा त्याच्या मामाच्या गावी सुटीला आला होता. तो अंगणात खेळत असताना ही दुर्घटना घडली. रुद्रचा मृतदेह शेजारील ऊसात सापडल्यानंतर त्याच्या कुटुंबियांनी टाहो फोडला. वनविभागाचे कर्मचारी आणि ग्रामस्थांमध्ये मोठा संघर्ष या ठिकाणी दिसून येत होता. त्यावेळी बिबट्यांना ठार मारण्याची परवानगी आता थेट आम्हाला द्या अशा स्वरुपाच्या भावना व्यक्त होत होत्या. विघ्नहर सहकारी साखर कारखान्याचे अध्यक्ष सत्यशील शेरकर यांनी घटनास्थळी भेट देऊन कुटुंबियांचे सांत्वन केले. त्यावेळी ते देखील गहिवरले होते. आता बिबट्यांची नसबंदी वैगरे अशा उपायोजना नकोत तर थेट त्यांना शूट करण्याची परवानगी शासनाने द्यावी अशी मागणी त्यांनी केली.
पाच वर्षात १५ मानवी बळी
गेल्या पाच वर्षात जुन्नर वनविभागाच्या क्षेत्रात बिबट्यांनी १५ मानवी बळी घेतले आहेत. तर १३ हजार ७७५ जनावरांचा फडशा पाडला आहे. दोनच दिवसांपूर्वी शेतात खुरपणी करणाऱ्या महिलेवर बिबट्याने हल्ला केला, त्यात ती गंभीर जखमी असून खासगी रुग्णालयात तिच्यावर उपचार सुरु आहेत. तर गेल्या महिन्यात धनगरवाड्यात झोपलेल्या संस्कृती धोत्रे या चार वर्षांच्या बालिकेला तिच्या आईच्या कुशीतून बिबट्याने पळून नेऊन तिचा बळी घेतला होता.
आधी इन्स्टाग्रामवर मैत्री, नंतर भेटीगाठी; अल्पवयीन मुलीला घरी बोलावलं आणि… दोघं अटकेत
बैठकीत निर्णय होणार
जुन्नर वनविभागात बिबट्या-मानव संघर्ष कमी करण्यासाठी देण्यात आलेल्या बिबट्यांच्या संख्या नियंत्रणासाठी नसबंदी तसेच अन्य उपाय योजनांसंदर्भात नागपूर येथील वरिष्ठ अधिकाऱ्यांसोबत चर्चा झाली आहे. लवकरच यावर वरिष्ठ पातळीवर बैठक होऊन काही ठोस धोरणात्मक निर्णय होऊ शकतो, अशी माहिती जुन्नर वनविभागाचे उपवनसंरक्षक अमोल सातपुते यांनी दिली आहे.