मुंबई : पूर्व आणि पश्चिमेला जोडणाऱ्या खार सब वेमध्ये पावसाळ्यासह अन्य वेळीही वाहतूककोंडीला सामोरे जावे लागते. यातून सुटका करण्यासाठी मुंबई महापालिकेने खार पूर्व ते पश्चिम द्रूतगती महामार्ग पट्ट्यात उन्नत मार्ग बांधण्याचा निर्णय घेतला आहे. मात्र खार, सांताक्रुझमधील १४०हून अधिक इमारतींमधील रहिवाशांनी या उन्नत मार्गाला विरोध दर्शवला आहे. त्यामुळे महापालिकेने हा प्रकल्प तूर्तास बाजूला ठेवण्याचा निर्णय घेतला आहे. त्याऐवजी दुसऱ्या पर्यायांची चाचपणी केली जात असल्याचे सांगण्यात येते.
मुंबई महापालिकेने खार सब वेवरून सांताक्रुझ पूर्व व्ही.एन. देसाई रुग्णालय परिसरातून पश्चिम द्रुतगती महामार्गापर्यंत उन्नत मार्ग बनवण्याचे नियोजन केले होते. त्यासाठी दोन हजार ४०० कोटी रुपये खर्च केले जाणार होते. तीन वर्षांत हे काम पूर्ण केले जाणार होते. यामुळे खार सब वेमधील वाहतूककोंडी फुटतानाच सांताक्रुझ पूर्व, मिलन सब वे येथील वाहतूक सुरळीत असे महापालिकेचे म्हणणे होते. या कामासाठी निविदाही काढण्यात आली. मात्र खार, सांताक्रुझमधील रहिवाशांनी याला विरोध दर्शवला. मार्ग बांधण्यासाठी उपलब्ध नसलेली जागा, तोडली जाणारी अनेक झाडे यांसह अनेक मुद्दे उपस्थित करण्यात आले होते. स्थानिकांनी याबाबत बैठका घेऊन आंदोलनाचाही पर्याय निवडला होता. हा प्रकल्प रद्द करावा किंवा अन्य पर्याय पाहावेत, असे पत्र त्यांच्याकडून मुख्यमंत्री एकनाथ शिंदे आणि मुंबई महापालिका आयुक्त भूषण गगराणी यांना देण्यात आले होते. तीव्र विरोधामुळे हा प्रकल्प तूर्तास स्थगित गेला जात असल्याची माहिती महापालिकेचे अतिरिक्त आयुक्त अभिजीत बांगर यांनी दिली. तसेच, दुसऱ्या पर्यायांचीही चाचपणी केली जात असल्याचेही ते म्हणाले.
मुंबई महापालिकेने खार सब वेवरून सांताक्रुझ पूर्व व्ही.एन. देसाई रुग्णालय परिसरातून पश्चिम द्रुतगती महामार्गापर्यंत उन्नत मार्ग बनवण्याचे नियोजन केले होते. त्यासाठी दोन हजार ४०० कोटी रुपये खर्च केले जाणार होते. तीन वर्षांत हे काम पूर्ण केले जाणार होते. यामुळे खार सब वेमधील वाहतूककोंडी फुटतानाच सांताक्रुझ पूर्व, मिलन सब वे येथील वाहतूक सुरळीत असे महापालिकेचे म्हणणे होते. या कामासाठी निविदाही काढण्यात आली. मात्र खार, सांताक्रुझमधील रहिवाशांनी याला विरोध दर्शवला. मार्ग बांधण्यासाठी उपलब्ध नसलेली जागा, तोडली जाणारी अनेक झाडे यांसह अनेक मुद्दे उपस्थित करण्यात आले होते. स्थानिकांनी याबाबत बैठका घेऊन आंदोलनाचाही पर्याय निवडला होता. हा प्रकल्प रद्द करावा किंवा अन्य पर्याय पाहावेत, असे पत्र त्यांच्याकडून मुख्यमंत्री एकनाथ शिंदे आणि मुंबई महापालिका आयुक्त भूषण गगराणी यांना देण्यात आले होते. तीव्र विरोधामुळे हा प्रकल्प तूर्तास स्थगित गेला जात असल्याची माहिती महापालिकेचे अतिरिक्त आयुक्त अभिजीत बांगर यांनी दिली. तसेच, दुसऱ्या पर्यायांचीही चाचपणी केली जात असल्याचेही ते म्हणाले.
खार पूर्वमधील रेल्वे मार्ग आणि सांताक्रुझदरम्यान संरक्षण दलाची जमीन असून, उन्नत मार्गासाठी या जमिनीची आवश्यकता आहे. ही जमीनही महापालिकेला उपलब्ध झाली नव्हती.