२०१९मध्ये भाजपच्या गिरीश बापट यांना लोकसभेसाठी कोथरूडने एक लाख सहा हजारांहून अधिक मताधिक्य दिले. भाजपला अनुकूल मतदारसंघ असल्याने यंदा कोथरूडमधून मोहोळ यांना सर्वाधिक मताधिक्य मिळेल, अशी अटकळ सुरुवातीपासूनच बांधली जात होती, ती खरी ठरली.
मोहोळ यांची सर्वाधिक भिस्त कोथरूडवर होती. त्यानुसार त्यांना एकूण मतदानाच्या ६५ टक्के म्हणजेच एक लाख ४१ हजार ९२८ मते मिळाली. दुसरीकडे काँग्रेसचे काही माजी नगरसेवक आणि ‘इंडिया आघाडी’तील पक्ष व संघटनांचेही येथे काही प्रमाणात संघटन आहे. शिवसेनेला (ठाकरे गट) मानणाराही वर्ग कोथरूडमध्ये आहे. त्यामुळे धंगेकर यांनी प्रचारात कोथरूडवर भर देऊन मोहोळ यांना कोथरूडमध्येच रोखू, असा दावा केला होता. मात्र, त्यात यश आले नाही.
Muralidhar Mohol: कार्यकर्ता, कुस्तीगीर ते आता पुण्याचे खासदार; मुरलीधर मोहोळ यांची राजकीय कारकीर्द
विधानसभेतही भाजपचाच डंका?
कोथरूडमधून भाजपला सुमारे ७५ हजारांचे मताधिक्य मिळाल्याने कोथरूड भाजपचा बालेकिल्ला असल्याचे पुन्हा अधोरेखित झाले आहे. राज्यसभा आणि लोकसभेची खासदारकी आणि चंद्रकांत पाटील यांच्या रूपाने आमदारकी आणि राज्याचे मंत्रीपद कोथरूडमध्ये असल्याने विधानसभेतही कोथरूडमध्ये भाजपचाच डंका वाजण्याची चिन्हे आहेत.
लोकसभा २०२४
मुरलीधर मोहोळ १,४१,९२८
रवींद्र धंगेकर ६७,६७१
लोकसभा २०१९
गिरीश बापट १,४८,५७०
मोहन जोशी ४२,३७४