आदित्य आबासाहेब निंबाळकर (वय २३ वर्षे रा. सणसर तालुका इंदापूर जि.पुणे) असे मृत तरुणाचे नाव आहे. तर तो काँग्रेसचे इंदापूर तालुक्याचे अध्यक्ष आबासाहेब बापूराव निंबाळकर यांचा मुलगा आहे. त्यामुळे घरातील तरुण मुलाचा मृत्यूने निंबाळकर कुटुंबीयांना दु:ख अनावर झाले आहे. तर संपूर्ण बारामती जिल्ह्यातही हळहळ व्यक्त केली जात आहे.
मंगळवारी सायंकाळी चारच्या दरम्यान रुई गावानजीक असलेल्या राष्ट्रीय महामार्गाच्या कडेला हा भीषण अपघात घडला. अपघात एवढा भीषण कारचा चक्काचूर झाला आहे. त्यामुळे आबासाहेबांचा लेक आदित्य अपघात दगावल्याचे वृत्त आहे.
प्रत्यक्षदर्शींनी दिलेल्या माहितीनुसार, आदित्य हा काटेवाडी कडून बारामतीकडे निघाला होता. कार भरधाव वेगात होती आणि वेगातच चालकाच्या बाजूकडील टायर फुटल्याने कार पलटी झाली आणि इमारतीच्या कडेला जाऊन आदळली. यामध्ये आदित्य बाहेर फेकला गेला आणि तो गंभीर जखमी झाला. तेथील स्थानिकांनी धाव घेत तात्काळ रुई या स्थानिक रुग्णालयात हलवलं. परंतु त्याला झालेली दुखापत गंभीर असल्याने रुग्णालयात पोहोचताच त्याला मृत घोषित करण्यात आले.
Thane News: मित्रांसोबत चेष्टा पडली महागात, तिसऱ्या मजल्यावरुन तोल गेल्याने महिलेचा मृत्यू; घटना cctvमध्ये कैद
दरम्यान, आपला तरुण मुलाचा अपघातात दुर्दैवी अंत झाल्याने निंबाळकर कुटुंबाला दुःख अनावर झाले आहे. तसेच, संपूर्ण बारामती तालुक्यातही शोककळा पसरली आहे.