नरेंद्र मोदी यांची टीका फक्त उद्धव ठाकरे यांच्यावर नाही. हा प्रश्न बाळासाहेब ठाकरे यांना माननाऱ्या संपूर्ण महाराष्ट्राचा आहे. तेलंगणात जाऊन उद्धव ठाकरेंना नकली संतान म्हणणे हा संपूर्ण महाराष्ट्राचा अवमान आहे, असे राऊत म्हणाले.
…तर संजय राऊतांचा बोलण्यात एन्काउंटर होईल, संजय निरुपम यांच्या पक्षप्रवेशावेळी शिंदेंचा टोला
शिवसेना ठाकरे गटाच्या खासदार प्रियांका चतुर्वेदी यांनी मुख्यमंत्री एकनाथ शिंदे, खासदार श्रीकांत शिंदे यांच्याबद्दल केलेल्या वक्तव्याबद्दलही त्यांनी प्रतिक्रिया दिली. ‘चतुर्वेदी जे बोलल्या, ते खरे आहे. एकनाथ शिंदे आणि त्यांच्या ४० लोकांना संपूर्ण देश गद्दार म्हणतो. शिंदे आणि अजित पवार यांच्यासोबत गेलेल्या लोकांना गद्दार म्हटले जाते,’ असे राऊत म्हणाले.
उद्धव ठाकरे यांच्या सभेसाठी शिवाजी पार्क मैदानाची मागणी करण्यात आली होती. ती परवानगी मनसेला देण्यात आली. यासंदर्भात बोलताना राऊत म्हणाले की, ‘यालाच सुडाचे राजकारण म्हणतात, सत्तेचा गैरवापर, लफंगेगिरी म्हणतात. हे भीतीपोटी होत आहे. महाराष्ट्रात आणि मुंबईत आम्ही कुठेही सभा घेतली, तरी लोक आमच्या सभेला येतील, आम्हाला भाड्याने लोकं आणावी लागणार नाहीत,’ असा टोला त्यांनी लगावला. शिवाजी पार्करील विरोधकांच्या सभेबाबत बोलताना लांडगे एकत्र येत आहेत अशी प्रतिक्रियाही त्यांनी दिली.