मुस्लिम मतदार हे अँटी-बीजेपी (भाजपविरोधी) व्होटर आहेत. ही मुस्लिम मतं उद्धव ठाकरेंकडे जात आहेत का, असं कुणालाही वाटेल. पण शिवसेना-काँग्रेस-राष्ट्रवादी हे निवडणुकीनंतर कसे वागतात, त्यावर ही मुस्लिम मतं व्होट बँकेत परावर्तित होणार का, हे ठरणार आहे. उद्धव ठाकरे यांनी मुख्यमंत्रिपदी असताना कुठलाही भेदभाव केला नव्हता. उद्धव ठाकरेंनी भाजपविरुद्ध उभारलेला लढा पाहता, मुस्लिम समाजाला वाटतं, की हे नेतृत्व भाजपला थेट टक्कर देऊन शकतं. ठाकरे इज बेस्ट अॅन्सर टू बीजेपी, अशा भावना आमदार रईस शेख यांनी व्यक्त केल्या.
दीड वर्षांपूर्वी उद्धव ठाकरेंनी मला सांगितलं होतं, की आपली युती खालपर्यंत पोहोचली पाहिजे. मी हमी देतो की ९५ टक्के मुस्लीम समाज तुमच्यासोबत आहे. मराठी आणि मुस्लीम समाज एकत्र येणं ही इंडिया आघाडीची स्ट्रेंथ आहे, असंही शेख म्हणाले.
Deepak Kesarkar : ठाकरे काळात ‘निधी न देणारे’ दादा पुन्हा सत्तेत सोबत, केसरकर म्हणतात, तेव्हाचे अजित पवार…
उद्धव ठाकरेंचं हिदुत्व तुम्हाला मान्य आहे का? असा प्रश्न विचारला असता, रईस शेख यांनी सावध सुरुवात केली. सध्या मी इलेक्शन मोडमध्ये आहे. उद्धव ठाकरे जे सांगतात, त्यावर आम्ही १०० टक्के विश्वास ठेवतो. स्वराज्यात ज्याप्रकारे सर्व घटकांना एकत्र घेऊन चाललं गेलं. महाराष्ट्रात कोणताही राजा असो, त्यांनी सर्वांना न्याय दिला. उद्धव ठाकरे महाराष्ट्राचं नेतृत्व करतील तेव्हा ते म्हणतात त्या हिंदुत्वाची अंमलबजावणी होईल. सर्वांना सोबत घेऊन ते चालतील असा ठाम विश्वास असल्याचं रईस शेख म्हणाले.
Read Latest Maharashtra News Updates And Marathi News
आम्ही इंडिया आघाडी सध्या पुढे ठेवली आहे. त्यांचं चिन्ह मशाल आहे, मदनपुरा हा मुस्लीम समाजाचा मुख्य भाग मानला जातो, तिथे हवा फिरते. तिकडे ८० वर्षांचे वृद्ध असो किंवा पन्नाशीचा माणूस. ते बघतात की रईस शेख हे अरविंद सावंत यांच्यासोबत आहेत, त्यांचा विश्वास आहे की रईस शेख काही समाजासाठी चुकीचा निर्णय घेणार नाहीत. ठाकरे हे सॉफ्ट फेस आहेत, आदित्य ठाकरेंचा इम्पॅक्ट काय आहे, हे तुम्ही मोजू शकणार नाही, ते सेक्युलर फेस आहेत, हे अॅक्सेप्ट करणं सोपं आहे. भाजप नको तर हाच ऑप्शन आहे, आमचं महिन्याभरात बाँडिंग बघून लोकांना विश्वास वाटतो, की ठाकरे आम्हाला न्याय देतील, असंही रईस शेख म्हणाले.