वारकरी आणि धारकरी संगम कार्यक्रमात ते बोलत होते. संत ज्ञानेश्वर महाराज आणि संत तुकाराम महाराज यांच्या पालखी सोहळ्यात दरवर्षीप्रमाणे धारकऱ्यांसह सहभागी होताना भिडे यांनी ही वादग्रस्त विधाने केली.
आपल्याला मिळालेले स्वातंत्र्य दळभद्री आहे
हिंदवी स्वराज्याची शपथ घेणाऱ्या तरुणांच्या दहा हजार तुकड्या रायगडावर जाणार आहेत. गोमाता, भारतमाता, वेदमातासारख्या सात मातांच्या संरक्षणासाठी वाटेल ते करायला तयार असणे म्हणजे हिंदवी स्वराज्याचे व्रत घेणे आहे. या व्रताची काही पथ्य आहेत. संपूर्ण देशात हिंदवी स्वराज्याचे व्रत घेतलेले लोक आपल्याला तयार करायचे आहेत. आपल्याला मिळालेले स्वातंत्र्य दळभद्री आहे. हिंदवी स्वराज्य हे खरे स्वातंत्र्य आहे, असे वक्तव्य भिडे यांनी केले.
Aashadhi Wari: धन्य झालो आम्ही जन्मा आलो, विठोबाचे दास झालो! वैष्णवांचा मेळा विठुरायाच्या भेटीसाठी मार्गस्थ
वारकरी आणि धारकरी संगम कार्यक्रम करायचा आहे
वारकरी आणि धारकरी संगम कार्यक्रम आपल्याला करायचा आहे. रायगडावर सुवर्ण सिंहासन उभारण्याचे स्वप्न साकार करायचे आहे. हिंदवी स्वराज्याची शपथ घेणाऱ्या तरुणांची दहा हजारांची तुकडी प्रत्येक तालुक्यात तयार करायची आहे, असे ते म्हणाले.
वटसावित्रीच्या पूजेला अभिनेत्रींनी किंवा ड्रेस घातलेल्या महिलांनी जाऊ नये
वटसावित्रीच्या पूजेला अभिनेत्रींनी किंवा ड्रेस घातलेल्या महिलांनी जाऊ नये. फक्त साडी नेसलेल्या महिलांनी वटसावित्रीची पूजा करावी, असेही संभाजी भिडे म्हणाले.